ક્રિકેટ / અઝિમો શાન શહેનશાહ! હાર્દિકનાં વીનીંગ છગ્ગા બાદ DKએ જે કર્યું એ જોઈને કહેશો-સેલ્યુટ છે બોસ

• પંડયા અંત સુધી ટકી રહ્યા અને ભારતને જીત અપાવી હતી 
• પંડયાએ સિક્સ લગાવીને શાનદાર ફિનિશર તરીકે જીત અપાવી હતી 
• પંડયાના ખેલને જોઈને દિનેશ કાર્તિકે કર્યું કઇંક આવું 

દુબઈના ઈન્ટરનેશનલ સ્ટેડિયમમાં રમાયેલી ટી-20 મેચમાં ભારતે તેની ઘાતક બોલિંગને કારણે તેના કટ્ટર પ્રતિસ્પર્ધી પાકિસ્તાનને 147 રનમાં સમેટી નાખ્યું હતું. ટોસ હારીને પહેલા બેટિંગ કરવા ઉતરેલી પાકિસ્તાની ટીમને ભારતે 19.5 ઓવરમાં ઓલઆઉટ કરાવી દીધું હતું.મેચમાં એક સમય એવો આવ્યો હતો જ્યારે ભારત પર પાકિસ્તાનની ટીમ હાવી થવા લાગી હતી પણ હાર્દિક પંડયા અને જાડેજાએ શાનદાર સાજેદારી કરીને ટીમને જીત અપાવી હતી. જો કે જાડેજા છેલ્લા ઓવરમાં 35 રન બનાવીને આઉટ થઈ ગયા હતા પણ પંડયા ટકી રહ્યા હતા અને ભારતને જીત અપાવી હતી. 

હાર્દિક પંડ્યાએ અપાવી જીત
ભારતે શાનદાર પર્ફોમન્સ કરતા પાકિસ્તાનને 5 વિકેટથી હરાવી દીધું છે. 148 રનના ટાર્ગેટને ભારતીય ટીમે 19.4 ઓવરમાં જ હાંસલ કરી લીધો હતો. હાર્દિક પંડ્યાએ નવાઝના બોલ પર છગ્ગો લગાવીને ભારતને જીત અપાવી હતી. હાર્દિક 33 રન બનાવીને અણનમ રહ્યા હતા. ત્યારે કોહલી અને જાડેજા 33-33 રનોનું યોગદાન આપ્યું. હાર્દિકે બેટિંગમાં શાનદાર પ્રદર્શન કરતા માત્ર 17 બોલમાં 33 રન બનાવ્યા. એ દરમિયાન હાર્દિકે 19મી ઓવરમાં હારિસ રઉફની બોલિંગમાં ત્રણ ચોગ્ગા ફટકાર્યા હતા જેનાથી ભારત પરનું દબાણ સંપૂર્ણપણે દૂર થઈ ગયું. અંતમાં હાર્દિકે 20મી ઓવરના ચોથા બોલ પર સિક્સર ફટકારીને શાનદાર અંદાજમાં મેચ ફિનિશ કરી દીધી હતી. હાર્દિક પંડયા પ્લેયર ઑફ ધ મેચ પણ બન્યા હતા.

Take a bow men..... #HardikPandya #ViratKohli𓃵 #RohitSharma #INDvsPAK #UrvashiRautela #TeamIndia pic.twitter.com/fKlHDFcPph

— Satyam dahare (@DahareSatyam) August 28, 2022

છેલ્લી ઓવર
છેલ્લી ઓવરમાં ભારતને જીતવા માટે સાત રનની જરૂર હતી. મોહમ્મદ નવાઝે પહેલા બોલ પર જાડેજાને આઉટ કર્યો હતો. આ પછી પંડ્યા ત્રીજા બોલ પર શોટ રમવા માંગતો હતો પરંતુ તેને ફિલ્ડરે રોક્યો હતો.એ સમયે પંડયા સાથે બીજો ખેલાડી દિનેશ કાર્તિક હતો અને એ સમયે ભારતને 3 બોલમાં 6 રનની જરૂર હતી. ચોથી બોલ નવાઝે નાની લેન્થની ફેંકી હતી જેમાં પંડયાએ સિક્સ લગાવીને ભારતને શાનદાર જીત અપાવી હતી. 

Beautiful Moment in India Vs Pak Match Today. Dinesh Karthik bowed before Hardik Pandya. Well done Team India. #INDvsPAK #IndiaVsPakistan #IndianCricketTeam #HardikPandya #DineshKarthik #AsiaCup2022 pic.twitter.com/vuro2ZXd7H

— Tarique Anwer (@tariqueSH) August 28, 2022

દિનેશ કાર્તિકે કર્યું આવું 
પંડયાએ સિક્સ લગાવીને ઇન્ડિયાને જીત અપાવી એ પછી નોનસ્ટ્રાઈક પર ઉભેલ દિનેશ કાર્તિક તેની પાસે ગયા અને માથું જુકાવીને તેને જીતની વધામણી આપી હતી. કાર્તિકે જે રીતે હાર્દિકના પ્રમોફયન્સને સલામ કર્યું એ વિડીયો હાલ વાયરલ થઈ રહ્યો છે અને લોકોનું દિલ જીતી લીધું છે.