ભારતીય ટીમના ઓલરાઉન્ડર ક્રિકેટર હાર્દિક પંડ્યા અત્યારે તેની અંગત લાઈફને લઈને ખૂબ જ ચર્ચામાં છે. આ વર્ષની શરૂઆતમાં તેણે અચાનક સગાઈ કરીને બધાંને ચોંકાવી દીધા હતા. બોલિવૂડ એક્ટ્રેસ, મોડલ નતાશા સ્ટાનકોવિક સાથે સગાઈ કરી લીધી અને ત્યારે હાલમાં જ તેણે જાહેરાત કરી હતી કે, નતાશા અને હાર્દિક પેરેન્ટ્સ બનવાના છે. પણ શું તમે જાણો છો કે, ગયા વર્ષે હાર્દિકની છાપ એક પ્લેબોયની હતી. તેનું નામ ઘણી એક્ટ્રેસિસ અને મોડલ સાથે જોડાઈ ચૂક્યું છે.
હાર્દિક અને નતાશા ટૂંક સમયમાં પેરેન્ટ્સ બનવાના છે
તો હવે હાર્દિકની એક ગર્લફ્રેન્ડ એલીએ કહી આ વાત
નતાશા પહેલાં હાર્દિકનું અફેર એલી સાથે ચાલી રહ્યું હતું
હાર્દિક પંડ્યાની એક ગર્લફ્રેન્ડ છે એલી અવરામ. હાર્દિક અને એક્ટ્રેસ એલી અવરામના અફેર્સની ચર્ચા ઘણાં લાંબા સમય સુધી ચાલી હતી. જ્યારે હાર્દિક પંડ્યાએ સગાઈ કરીને બધાંને ચોંકાવી દીધા હતા ત્યારે એલી અવરામે કંઈ કહ્યું નહોતું પરંતુ પોતાની એક તસ્વીર શેર કરી હતી. જે બાદ એવી અટકળો લગાવવામાં આવી હતી કે એલીએ આ પોસ્ટ હાર્દિક માટે શેર કરી હતી. જોકે, હવે એક ઈન્ટરવ્યૂમાં એલીએ આ અંગે સ્પષ્ટતા કરતા કહ્યું હતું કે, તેણે ક્યારેય નહોતું વિચાર્યું કે, તેની પોસ્ટનો લોકો આવો મતલબ કાઢશે.
હકીકતમાં પહેલી જાન્યુઆરીએ હાર્દિક અને નતાશાની સગાઈના સમાચાર બાદ એલીએ એક તસવીર શેર કરી હતી, જેમાં તે એકલી જોવા મળી રહી છે. તેણે કેપ્શનમાં લખ્યું હતું-આ વખતે પોતાના દેવદૂત પોતે બનો. લોકોએ એ સમયે કહ્યું હતું કે, એલીએ આ કેપ્શનમાં હાર્દિકને મેસેજ આપ્યો છે. જોકે, એલીએ એ સમયે થતી અટકળોનું ખંડન કર્યું છે.
એલીએ એક ઈન્ટરવ્યૂમાં જણાવ્યું કે, નવા વર્ષના 3 દિવસ બાદ મેં જે પોસ્ટ શેર કરી હતી, તનો હાર્દિક સાથે કોઈ જ સંબંધ નહોતો. મને એ વાતનું આશ્ચર્ય થાય છે કે, લોકો કેવી રીતે અફવાઓ ફેલાવે છે. જો મારે હાર્દિકને કંઈ કહેવું હશે તો હું તેને ડાયરેક્ટ મેસેજ કરીશ, તેના માટે મારે સોશિયલ મીડિયાની જરૂર નથી. હું ખરેખર હાર્દિક અને નતાશા માટે ખૂબ જ ખુશ છું.
એલી અને હાર્દિક વિશે એવા સમાચારો આવ્યા હતા કે બંને એક બીજાને ડેટ કરી રહ્યા છે. હાર્દિકના ભાઈ કુણાલના લગ્નમાં પણ એલી સ્પેશિયલ ગેસ્ટ તરીકે જોવા મળી હતી. જેના કારણે બંનેના અફેરની ચર્ચાઓએ વધુ જોર પકડ્યું હતું. આ બંનેને ઘણીવાર સાથે ફરતા, ડિનર કરતાં જોવામાં આવ્યા હતા. ઘણીવાર બંને એરપોર્ટ પર પણ સાથે જોવા મળ્યા હતા. જોકે, બંનેએ આ સંબંધ વિશે ક્યારેય કશું ખુલ્લેઆમ કહ્યું નહોતું પરંતુ તે સ્પષ્ટ હતું કે બંને ડેટિંગ કરી રહ્યા છે. જોકે, બાદમાં બંનેએ અલગ થવાનો નિર્ણય લીધો હતો.