સ્ટાર ક્રિકેટર હાર્દિક અને કૃણાલ પંડ્યાના પિતાનું શનિવારે નિધન થઈ ગયું છે ત્યારે હાર્દિકે આજે સોશ્યલ મીડિયા પર ભાવુક કરી દે તેવી પોસ્ટ કરી છે.
હિમાંશુ પંડ્યાનું શનિવારે થયું હતું નિધન
હાર્દિક પંડ્યાએ કરી ભાવુક પોસ્ટ
હું તમને દરરોજ મિસ કરીશ : હાર્દિક
71 વર્ષના હતા હિમાંશુ પંડ્યા
ભારતીય સ્ટાર ક્રિકેટર હાર્દિક પંડ્યાએ પિતાના નિધન બાદ સોશ્યલ મીડિયા પર ભાવુક પોસ્ટ કરી છે. હાર્દિક અને કૃણાલ પંડયાના પિતા હિમાંશુ પંડ્યાનું શનિવારે સવારે હાર્ટઅટેકના કારણે નિધન થઈ ગયું હતું, તેઓ 71 વર્ષના હતા. હાર્દિકના મોટા ભાઈ તે સમયે સૈયદ મુશ્તાક અલી ટ્રોફીમાં વડોદરાનું પ્રતિનિધિત્વ કરી રહ્યા હતા.
મારા પિતા, મારા હીરો...
હાર્દિક પંડ્યાએ આજે સોશ્યલ મીડિયા પર એક ભાવુક પોસ્ટ કરતાં લખ્યું કે મારા પિતા મારા હીરો. તમને ગુમાવી દેવાની વાતને માનવી એ જીવનની સૌથી અઘરી વસ્તુમાંથી એક છે. પણ તમે અમારા માટે એટલી વધી યાદો છોડી દીધી કે હવે અમે કલ્પના જ કરી શકીએ કે તમે સ્મિત કરી રહ્યા છો.
હાર્દિકે આગળ લખ્યું કે તમારા દીકરા જ્યાં ઊભા છે તે તમારી મહેનત અને આત્મવિશ્વાસના કારણે જ છે. તમે હંમેશા ખુશ રહેતા. અમે તમારાથી ખૂબ પ્રેમ કરતાં હતા અને આગળ પણ કરતાં રહીશું. તમારું નામ હંમેશા શિખર પર રહેશે અને મને એક વાત ખબર છે કે તમે હંમેશા અમને ઉપરથી એ રીતે જ જોઈ રહ્યા છે જે રીતે અહિયાં જોતાં.
હાર્દિક પંડયાએ લખ્યું કે ડેડી તમને અમારા પર ગર્વ હતો પણ અમને એ વાતનો ગર્વ છે કે તમે હંમેશા પોતાની જીવન જીવ્યું છે. જેવુ મેં કાલે કહ્યું હતું આજે ફરી કહીશ હું તમને મારા જીવનમાં દરરોજ યાદ કરીશ.
નોંધનીય છે કે હાર્દિક પંડ્યાની આ પોસ્ટ જોઈને ઘણા બધા લોકો ભાવુક થઈ ગયા હતા અને આ પોસ્ટ ખૂબ વાયરલ પણ થઈ રહી છે. પંડ્યા બંધુઓની આ દુ:ખની ઘડીમાં ઘણા બધા ક્રિકેટરોએ શોક વ્યક્ત કર્યો હતો.