હાર્દિક પંડ્યા અત્યારે ભલે ટીમ ઈન્ડિયાથી બહાર હોય પરંતુ પોતાની બેટિંગ પાવરથી પંડ્યાએ ફરીવાર પોતાનો પાવર બતાવી દીધો છે. ડીવાય પાટીલ ટૂર્નામેન્ટમાં પંડ્યાએ રનનો ઢગલો કરી નાખ્યો. પાછલી મેચમાં હાર્દિકે 37 બોલમાં સદી ફટકારી અને હવે 29 બોલમાં 46 રન કરીને ફરીથી ટીમમાં વાપસી કરવાના સંકેત આપ્યા છે.
આખી ટૂર્નામેન્ટમાં હાર્દિકે બોલિંગથી પણ બધાના દિલ જીત્યા
ટીમ ઈન્ડિયાથી ઈજાનાં કારણે બહાર ચાલી રહેલા હાર્દિક પંડ્યા અને શિખર ધવને ટીમ ઈન્ડિયામાં વાપસી કરવાના સંકેત આપ્યા છે. રાષ્ટ્રીય ટીમથી બહાર હાર્દિક પંડ્યા અને જાડેજાએ બુધવારે ડીવાય પાટીલ ટી 20 ટૂર્નામેન્ટમાં ખૂબ રન કર્યા.
હાર્દિક પંડ્યાએ આઉટ થયા પહેલાં 29 બોલમાં 46 રન ફટકાર્યા. હાર્દિકે ચાર સિક્સ પણ કરી. બીજી તરફ શિખર ધવને તાબડતોડ 28 બોલમાં 43 રન કરી નાખ્યા. ધવને 6 ચોક્કા અને એક સિક્સ ફટકારી. આ શાનદાર પ્રદર્શનની મદદથી રિલાયંસ વનની ટીમ ટૂર્નામેન્ટની સેમીફાઈનલમાં પહોંચી ગઈ છે.
ડીવાય પાટીલ એ ટીમને હરાવી રિલાયંસ વનની ટીમ સેમીફાઈનલમાં પહોંચ્યા. રિલાયંસ વનની તરફથી હાર્દિક સિવાય અનમોલપ્રીતે 93 અને શિખર ધવને 43 રન કર્યા. પાછલી મેચમાં જ હાર્દિક પંડ્યાએ 37 બોલમાં સદી ફટકારી. પાછલી મેચમાં તેમણે આઠ ચોક્કા અને 10 સિક્સ કરી હતી.
પંડ્યાએ આ ટૂર્નામેન્ટમાં અત્યાર સુધી ત્રણ મેચમાં 203ની સ્ટ્રાઈક રેટથી 189 રન બનાવ્યા છે. ટૂર્નામેન્ટમાં હાર્દિક પંડ્યાએ તાબડતોડ વિકેટ પણ ઝડપી હતી. અત્યાર સુધી હાર્દિક પંડ્યાએ કુલ 11 વિકેટ ઝડપી છે.