IPLIN
 
  • Home
  • Sports
  • Cricket
  • hardik pandya break ms dhoni record in ind vs wi t20 series rohit sharma ride buggy in ground

ક્રિકેટ / મેચ જીત્યા બાદ કેપ્ટન હાર્દિકે તોડી ધોનીની પરંપરા, રોહિતે ગ્રાઉન્ડમાં ગાડી ચલાવી માહીભાઈની યાદ અપાવી, જુઓ VIDEO

Team VTV 12:48 PM, 08 Aug 22
Follow us
hardik pandya break ms dhoni record in ind vs wi t20 series rohit sharma ride buggy in ground

વેસ્ટ ઈન્ડીઝ સામે સીરીઝની પાંચમી ટી-20 મેચમાં રોહિત શર્માની ગેરહાજરીમાં હાર્દિક પંડ્યાએ ટીમનુ સુકાન સંભાળ્યું હતુ. શ્રેણીની પાંચમી મેચ અમેરિકાના ફ્લોરિડામાં રમવામાં આવી. જેમાં ભારતીય ટીમે વેસ્ટ ઈન્ડીઝને 88 રનના અંતરથી કારમી હાર આપી.

  • વેસ્ટ ઈન્ડીઝ સામેની પાંચમી ટી-20 મેચ ભારતીય ટીમે જીતી
  • હાર્દિક પંડ્યાએ ટ્રોફી લઇને તોડ્યો ધોનીનો રેકોર્ડ
  • રોહિત શર્માએ મેદાનમાં ચલાવી ગાડી   

ભારતીય ટીમે વેસ્ટ ઈન્ડીઝને ટી-20 શ્રેણીમાં કારમી હાર આપી

આ રીતે ભારતે પાંચ મેચની ટી-20 શ્રેણીને 4-1થી જીતી લીધી. ભારતીય ક્રિકેટ ટીમે વેસ્ટ ઈન્ડીઝને તેના ઘરમાં વન-ડે બાદ ટી-20 શ્રેણીમાં કારમી હાર આપી છે. આ મેચમાં રોહિત શર્માની ગેરહાજરીમાં હાર્દિક પંડ્યાએ ટીમનુ સુકાન સંભાળ્યું હતુ. કેપ્ટન તરીકે જીત્યા બાદ જ્યારે તેઓ ટ્રોફી લેવા આવ્યાં તો તેમણે પૂર્વ કેપ્ટન મહેન્દ્ર સિંહ ધોનીનો એક અનોખો રેકોર્ડ તોડી નાખ્યો. 

આ રીતે પંડ્યાએ તોડ્યો ધોનીનો રેકોર્ડ 

હાર્દિક ટ્રોફી લીધા બાદ ફોટો સેશન માટે આવી રહ્યાં હતા. ટીમ તેની રાહ જોતી હતી ત્યારે હાર્દિકે સ્ટાફમાંથી એક વ્યક્તિને બોલાવ્યો અને તેને ટ્રોફી સોંપીને ટીમની સાથે વચ્ચે ઉભા થઇને ફોટો ખેંચાવવા માટે કહ્યું. આ રીતે હાર્દિકનો આ રેકોર્ડ કહો કે પ્રથાને તોડી નાખી, જે ધોનીએ શરૂ કરી હતી. ધોની જીત બાદ કોઈ યુવા અથવા ડેબ્યુ કરનારા ખેલાડીને ટ્રોફી સોંપતો હતો. આ પ્રથા વિરાટ કોહલીથી રોહિત શર્મા સુધી બધાએ આગળ ધપાવી. પરંતુ આ વખતે પંડ્યાએ કઈક અનોખુ કરીને આ પ્રથા તોડી નાખી. જો કે, જે સ્ટાફ મેમ્બરને આ ટ્રોફી પંડ્યાએ સોંપી હતી તે વ્યક્તિના નામનો ખુલાસો થયો નથી. 

રોહિતે ગાડીમાં બેસાડીને ખેલાડીઓને ફેરવ્યાં 

આ ઉપરાંત મેચની સાથે શ્રેણી જીતવાની ખુશીમાં ભારતીય ખેલાડી અલગ રીતે ઉજવણી કરતા દેખાયા. સ્ટાર સ્પિનર રવિચંદ્રન અશ્વિન, વિકેટ કીપર દિનેશ કાર્તિક અને રોહિત શર્મા મેદાનમાં ચાલતી નાની ગાડી અથવા બગીમાં બેસીને ગ્રાઉન્ડના રાઉન્ડ લગાવતા દેખાયા. આ ગાડી રોહિત શર્માએ ચલાવી. 


 

Ind Vs Wi T20 Series Rohit Sharma Hardik pandya હાર્દિક પંડ્યા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ