Sports / ટીમ ઇન્ડિયાનો સ્ટાર ક્રિકેટર હાર્દિક પંડ્યા બન્યો પિતા, પરિવારમાં ખુશીનો માહોલ જુઓ તસવીરો

હાર્દિક પંડ્યાએ તેના ઇન્સ્ટાગ્રામ અકાઉન્ટ પર તસવીર શૅર કરી છે જેમાં તેણે દિકરાનો હાથ પકડ્યો છે. છેલ્લા ઘણા સમયથી હાર્દિક અને નતાશા ચર્ચામાં હતા, તેનું એક કારણ તે પણ છે કે નતાશા લગ્ન પહેલા ગર્ભવતી થઇ ગઇ હતી જેના કારણે તેમણે લૉકડાઉનમાં લગ્ન કરી લીધા હતા. ગઇ કાલે જ નતાશાને હાર્દિક લોન્ગ ડ્રાઇવ પર લઇને ગયો હતો. 

ગર્ભવતી મહિલાને ઘણા બધા મૂડ સ્વિંગ થતા હોય છે અને હાર્દિકે નતાશાને પ્રેગનેન્સી દરમિયાન ખૂબ સાચવી હતી. સોશ્યલ મિડીયા દ્વારા હાર્દિક દરેક અપડેટ તેના ફેન્સ સુધી પહોંચાડતો રહ્યો હતો. 

તમને જણાવી દઇએ કે, IPL 19  સપ્ટેમ્બરથી દુબઇમાં શરૂ થવાનો છે, ખેલાડીઓ તેની પ્રેક્ટિસમાં વ્યસ્ત છે. ત્યારે હાર્દિક પ્રેક્ટિસ નથી કરી રહ્યો. કેટલાક દિગ્ગજોનું માનવું છે કે તે મેન ઓફ ધ મેચ બની શકે છે.