ગઈકાલની ગુજરાત અને રાજસ્થાન વચ્ચેની IPL મેચ દરમિયાન પ્રસિદ્ધ કૃષ્ણાનાં બોલ પર ચાર રન લીધા બાદ હાર્દિક પંડ્યાએ તેની માફી માંગી, જેનો વીડિયો સોશિયલ મીડિયા પર વાયરલ થઇ રહ્યો છે.
હાર્દિક પંડ્યાએ માંગી પ્રસિદ્ધ કૃષ્ણાની માફી
વીડિયો થયો સોશિયલ મીડિયા પર વાયરલ
ગુજરાત ટાઈટન્સે આપી રાજસ્થાન રોયલ્સને માત
રાજસ્થાન રોયલ્સ અને ગુજરાત ટાઈટન્સ વચ્ચે ગઈકાલે આઈપીએલ 2022નો 24મી મેચ હતી. જેમાં ગુજરાતના કેપ્ટન હાર્દિક પંડ્યાએ તોફાની 87 રનની મદદથી 4 વિકેટ પર 192 રનનો સ્કોર ઉભો કર્યો. જેના જવાબમાં રાજસ્થાનની ટીમ 9 વિકેટ પર 155 રન જ બનાવી શકી. ટૂર્નામેન્ટની આ ચોથી જીતની સાથે જ ગુજરાતની ટીમ પોઇન્ટ ટેબલમાં 5માં નંબરથી છલાંગ લગાવતા ટોપ પર પહોંચી ગઇ છે.
હાર્દિક પંડ્યાએ માંગી પ્રસિદ્ધ કૃષ્ણાની માફી
આ મેચ દરમિયાન એક ક્ષણ એવી પણ આવી, જ્યારે હાર્દિકે પોતાના અંદાજથી ફેન્સનાં દિલ જીતી લીધા. આ ક્ષણ ગુજરાતનાં દાવની છેલ્લી ઓવરના છેલ્લા બોલ પર, જયારે પ્રસિદ્ધ કૃષ્ણાનાં ફૂલટોસ બોલ પર હાર્દિકે બેટની ધાર મારી અને બોલ કીપર પાસેથી પસાર થઈને ચાર રન માટે ચાલ્યો ગયો.
આ મિસ હીટ પર ચાર રન લીધા બાદ હાર્દિક પંડ્યા હાથ હલાવીને કૃષ્ણાની માફી માંગતા જોવા મળ્યા કેમકે તેઓ પણ જાણતા હતા કે આ બોલ પર ચાર રન ન મળવા જોઈતા હતા. સોશિયલ મીડિયા પર તેમનો આ વીડિયો વાયરલ થઇ રહ્યો છે, જે કારણે તેઓ ફેન્સ માટે હીરો બની ગયા છે.
હાર્દિકે રૉકેટ ગતિએ કર્યો થ્રો, સ્ટંપના થયા ટુકડે-ટુકડા, સંજૂ સૈમસન રન આઉટ, મેચ રોકવી પડી
હાર્દિક પંડ્યાએ જ્યારે ગુજરાત ટાઇટન્સના કેપ્ટન બન્યા છે અને ઇન્ડિયન પ્રીમિયર લીગમાં તેઓ હવે જૂના અંદાજમાં દેખાઇ રહ્યા છે. તેમણે આઈપીએલ 2022ના 24માં મુકાબલામાં રાજસ્થાન રોયલ્સ વિરુદ્ધ પહેલા તો તોફાની બેટિંગ કરી અને પછી ફિલ્ડિંગમાં કમાલ કરતા વિપક્ષની ટીમના કેપ્ટન સંજૂ સેમસનને રન આઉટ કર્યો. તેમનો થ્રો તો એટલો જોરદાર હતો કે સ્ટંપના 2 ટુકડા થઇ ગયા.
હાર્દિકે બોલને ફીલ્ડ કર્યા બાદ સિંગલ એક્શનમાં બોલને નૉન સ્ટ્રાઇકિંગ એન્ડ પર થ્રો કર્યો અને બોલ મિડલ સ્ટમ્પ પર જઇને લાગ્યો. અહીં સંજૂ સેમસન ન માત્ર રન આઉટ થયા, પરંતુ તેઓ ફ્રેમમાં પણ નહોતા દેખાઇ રહ્યા. બીજી તરફ સ્ટંપના બે ટુકડા થઈ ચૂક્યા હતા. કોમેન્ટેટર હંસી રહ્યા હતા અને હાર્દિકના વખાણ કરી રહ્યા હતા. મેચ થોડી વાર સુધી અટકી પડે છે. એમ્પાયર્સે નવું સ્ટંપ મંગાવ્યું અને લગાવ્યા બાદ મેચ ફરીથી શરૂ થઇ શકી. સંજૂ સેમસનની આ વિકેટ ખુબ જ મહત્વપૂર્ણ રહી.