ક્રિકેટર હાર્દિક પંડ્યાએ વેલેન્ટાઈન ડે 14 ફેબ્રુઆરી, 2023ના રોજ નતાશા સ્ટેનકોવિક સાથે ફરી ઉદયપુરમાં લગ્ન કર્યા હતા. જેના મહેંદીનાં કાર્યક્રમનાં ફોટોઝ કપલે શેર કર્યાં છે.
હાર્દિક પંડ્યા અને નતાશાએ રાજસ્થાનના ઉદયપુરમાં લગ્ન કર્યા હતા
આ કપલે હિન્દુ અને ક્રિશ્ચિયન બંને રીતિ-રિવાજથી લગ્ન કર્યા
લગ્ન પહેલા મહેંદી સેરેમનીની તસવીરો થઈ વાયરલ
ટીમ ઈન્ડિયાના સ્ટાર ક્રિકેટર હાર્દિક પંડ્યા અને નતાશા સ્ટેનકોવિકએ 14 ફેબ્રુઆરી વેલેનટાઈન ડે પર રીતિ-રિવાજ સાથે બીજી વખત લગ્ન કર્યા હતા. બંનેના રાજસ્થાનના ઉદયપુરમાં લગ્ન કર્યા હતા. લગ્નની તસવીરો બાદ આ કપલની મહેંદીની તસવીરો સામે આવી છે. આ તસવીરોમાં આ સ્ટાર કપલ ખૂબ જ સુંદર લાગી રહ્યું છે.તસવીરોમાં હાર્દિક પંડ્યા અને તેની સાથે નતાશા ખૂબ જ સુંદર લાગી રહી છે. તેમની સાથે દિકરો અગસ્ત્ય પણ જોવા મળી રહ્યો છે. આ સ્ટાર કપલની મહેંદીની તસવીરો હાલ તો સોશિયલ મીડિયામાં વાયરલ થઈ રહી છે.
મહેંદી અને હલ્દી સેરેમનીનાં ફોટોઝ
આ તસવીરો હાર્દિક પંડ્યાએ પોતાના ઈન્સ્ટાગ્રામ એકાઉન્ટ પર શેર કરી છે. જેમાં તે પોતાની પત્ની અને પુત્ર સાથે પોઝ આપી રહ્યો છે. તસવીરોમાં હાર્દિક અને તેનો પુત્ર ગુલાબી રંગના કુર્તામાં જોવા મળે છે. જ્યારે નતાશા ફ્લોરલ આઉટફિટમાં જોવા મળી હતી. આ તસવીર મહેંદી અને હલ્દી સેરેમનીમાં કપલની ગ્રાન્ડ એન્ટ્રીની છે. જેમાં બંને ખૂબ જ ખુશ દેખાઈ રહ્યા છે. નતાશાના હાથમાં હાર્દિકના નામની મહેંદી છે. જેને તે દરેક તસવીરમાં સુંદર રીતે ફ્લોન્ટ કરી રહી છે.
પ્રેમી પંખીડાની તસવીરો વાયરલ
આ તસવીરોમાં હાર્દિક અને નતાશા બંને એકબીજાની આંખોમાં આંખ નાખી ડૂબેલા જોવા મળી રહ્યા છે. તસવીરો શેર કરતી વખતે હાર્દિક પંડ્યાએ કોમેન્ટમાં લખ્યું, 'પ્રેમમાં રંગમાં રંગાઈ ગયો'. જણાવી દઈએ કે હાર્દિક અને પંડ્યાએ ત્રણ વર્ષ પહેલા કોર્ટ મેરેજ કર્યા હતા. જે બાદ હવે આ કપલે હિન્દુ અને ક્રિશ્ચિયન રીતિ-રિવાજથી લગ્ન કર્યા છે.
2020માં કર્યાં હતાં કોર્ટ મેરેજ
હાર્દિકે વર્ષ 2020માં નતાશા સાથે કોર્ટ મેરેજ કર્યા હતા. તે સમયે કોવિડ-19ને કારણે બહુ ઓછા લોકો લગ્નમાં સામેલ થયા હતા. હવે હાર્દિક પંડ્યા અને નતાશાએ વેલેન્ટાઈન ડેના દિવસે ત્રણ વર્ષ પછી લગ્ન કર્યા હતા. આ લગ્નની તસવીરો સામે આવી હતી જેમાં આ કપલ ખૂબ જ સુંદર લાગી રહ્યું હતું.
પરિવાર અને મિત્રોની હાજરીમાં ફર્યાં ફેરા
હાર્દિક નતાશાના લગ્નમાં તેનો ભાઈ કૃણાલ પંડ્યા અને તેની પત્ની પંખુરી શર્મા પણ હાજર હતા. તે જ સમયે ક્રિકેટ જગતમાંથી વિકેટ કીપર બેટ્સમેન ઈશાન કિશન અને કોમેન્ટેટર જતિન સ્પ્રુ પણ લગ્નમાં પહોંચ્યા હતા. નતાશા અને હાર્દિક અવારનવાર તેમની તસવીરો સોશિયલ મીડિયા પર શેર કરે છે.