ભારતીય ક્રિકેટ ટીમનાં લોકપ્રિય ક્રિકેટર હાર્દિક પંડ્યા હંમેશા પોતાની લવલાઈફને લઈને ચર્ચામાં રહે છે. ચાહકોને હાર્દિક અને નતાશાની જોડી ખૂબ ગમે છે ત્યારે સોશિયલ મીડિયામાં બંનેની તસવીરો પણ ખૂબ વાયરલ થતી રહે છે ત્યારે બંનેની આવી જ એક રોમાન્ટિક તસવીર હાલમાં સોશિયલ મીડિયામાં ખૂબ વાયરલ થઇ રહી છે.
સોશિયલ મીડિયામાં સુપરહિટ છે હાર્દિક-નતાશાની જોડી
નતાશા હાર્દિકનો કિસ કરતી તસવીર વાયરલ
નતાશાએ શેર કર્યો ફોટો
હાર્દિક-નતાશાની નવી તસવીર
ટીમ ઈન્ડિયાના ઓલરાઉન્ડર હાર્દિક પંડ્યા અને નતાશા સ્ટાનકોવિક સોશિયલ મીડિયામાં ખૂબ એક્ટિવ રહે છે અને પોતાની તસવીરો અને વીડિયોથી તેમના ચાહકોથી જોડાયેલા રહે છે. નતાશા સ્ટાનકોવિકે ઇન્સ્ટાગ્રામ પર હાર્દિક પંડ્યા સાથે પોતાની રોમાંટિક ફોટો શેર કર્યો છે, આ ફોટોમાં તે હાર્દિકને ગાલ પર કિસ કરતા નજરે પડી રહી છે. નતાશાએ આ પોસ્ટ શેર કરવાની સાથે કેપ્શનમાં હાર્દિકને ટેગ કરીને દિલનું ઈમોજી મૂક્યું છે.
આ વર્ષની શરૂઆતમાં જ સગાઈ થઇ હતી
નોંધનીય છે કે ટીમ ઈન્ડિયાઆ વિસ્ફોટક ઓલરાઉન્ડર હાર્દિક પંડ્યાએ આ વર્ષનાં પ્રથમ દિવસે જ નતાશા સાથે દુબઈમાં સગાઇ કરી હતી. નતાશા વર્ષ 2012માં બોલિવૂડમાં કામ કરવા માટે સર્બિયાથી મુંબઈ આવી હતી. તેમણે મોડલ તરીકે ભારતમાં ઘણા વિજ્ઞાપનોમાં કામ કરેલ છે. નતાશાએ પોતાના કરીયરની શરુઆત મોડલ તરીકે ભારતમાં જ કરી, તેમણે જોન્સન એન્ડ જોન્સન સિવાય અન્ય કેટલીક બ્રાન્ડ માટે કામ કરેલ છે.
વર્ષ 2013માં કર્યું બોલિવુડ ડેબ્યુ
વર્ષ 2013માં આવેલ પ્રકાશ ઝાની ફિલ્મ સત્યાગ્રહથી નતાશાએ બોલિવૂડમાં ડેબ્યુ કર્યું. નતાશાએ આ ફિલ્મમાં આઈટમ નંબર પર અજય દેવગણ સાથે ડાંસ કર્યો હતો. આ સિવાય તેમણે વિદેશી અભિનેત્રીનાં રૂપમાં બીગબોસમાં ભાગ લીધો હતો. બિગબોસનાં ઘરમાં તેમણે 28 દિવસ વિતાવ્યા હતા, જે બાદથી જ તે ખૂબ એક્ટિવ થઇ ગઈ હતી.