અમદાવાદમાં આવીને ભારત તેમજ ઇંગ્લેન્ડના ખેલાડીઓએ મોટરા સ્ટેડિયમના ખુબ વખાણ કર્યા હતા. હાર્દિક પંડ્યા, ઋષભ પંત, બેન સ્ટોક્સ જેવા દિગ્ગજ ખેલાડીઓએ મોટેરા સ્ટેડિયમના વખાણ કર્યા છે.
અમદાવાદમાં પ્રવેશતા સાથે ક્રિકેટર્સ હળવા મૂડમાં જોવા મળ્યા હતા. હાર્દિક પંડ્યાએ સ્ટેડિયમમાં એન્ટ્રી લઇને પોસ્ટ કરી હતી. સાથે જ અશ્વિને જીમમાં ખેલાડીઓ સાથે ડાન્સ કર્યો અને તેનો વીડિયો પોસ્ટ કર્યો હતો. અશ્વિન સાથે હાર્દિક-કુલદીપે પણ ડાન્સ કર્યો હતો.
ભારતીય ખેલાડીઓ ભારતમાં થનાર બીજી ડે નાઇટ ટેસ્ટ મૅચની જોરશોરથી તૈયારીઓ કરી રહ્યાં છે. આ મૅચ પિંક બોલથી રમાશે. હાલ ભારત અને ઇંગલેન્ડ 1-1ની બરાબરી પર છે. ઇંગ્લેન્ડે ચેન્નઇમાં રમાયેલી પહેલી મૅચમાં 227 રનથી જીત હાંસલ કરી છે. આ જ મેદાન પર રમાયેલી બીજી મૅચમાં 317 રનથી ભારતે જીત હાંસલ કરી છે.
કુલદીપ યાદવે ચેન્નઇ ટેસ્ટની બીજી ઇનીંગમાં બે વિકેટ લીધી હતી. હાર્દક પંડ્યાની જો વાત કરવામાં આવે તો તે ભારતીય ટેસ્ટ ટીમનો હિસ્સો છે પરંતુ તેમને પહેલી બે ટેસ્ટમાં રમવાનો ચાન્સ નથી મળ્યો.
અમદાવાદમાં છેલ્લી વાર હાર્યુ હતુ ઇંગ્લેન્ડ
ટીમ ઇન્ડિયાએ આ મેદાન પર 12 મૅચ રમી છે. 4 મૅચમાં જીત મળી છે અને બે માં હાર. 6 મૅચ ડ્રો થઇ છે. ટીમ ઇન્ડિયાએ આ મેદાન પર છેલ્લી ટેસ્ટ 2012માં ઇંગ્લેન્ડ સામે જ રમી હતી જેમાં ભારત જીતી ગયુ હતુ.