ક્રિકેટ / હાર્દિક-રાહુલને જે સજા આપવામાં આવી છે તે જાણીને તમે ખુશ થઈ જશો

BCCIના લોકપાલે તપાસ કર્યા બાદ રાહુલ અને હાર્દિક પંડ્યાને 20-20 લાખનો દંડ ફટકાર્યો છે. જેમાંથી 10 લાખ રૂપિયા શહીદ થયેલ અર્ધસૈનિક જવાનોની પત્નીઓને આપવામાં આવશે. તો બાકી રહેલ 10 લાખની રકમ ભારતના બ્લાઇન્ડ ક્રિકેટને પ્રાત્સાહન આપવા માટે ફંડ કરવામાં આવશે.
 
ઉલ્લેખનીય છે કે, મુંબઇ અને પંજાબની મેચ પહેલા હાર્દિક પંડ્યા અને કેએલ રાહુલ BCCIના લોકપાલ સામે હાજર રહ્યા હતા. જે બાદ તેમને આ સજા સંભળાવવામાં આવી હતી. દંડની આ રકમ 4 અઠવાડિયાની અંદર જમા કરાવવાની રહેશે. જો આ બંન્ને ખેલાડી આ રકમ 4 અઠવાડિયાની અંદર ભરપાઇ ન કરે તો દંડની રકમ તેની મેચ ફીમાંથી કાપી લેવામાં આવશે.
 

BCCI Ombudsman directs KL Rahul & Hardik Pandya to pay Rs1,00,000 each to families of 10 constables in para-military forces who have lost their lives on duty & Rs 10,00,000 in the fund created by Cricket Association for the blind,for promotion of game for the blind,within 4 weeks https://t.co/Ju7Zgvwsit

— ANI (@ANI) April 20, 2019

આપને જણાવી દઇએ કે, પંડ્યા અને રાહુલે જાણીતા બોલિવૂડ ફિલ્મ નિર્દેશક કરન જોહરના શો ‘કોફી વિથ કરન’માં મહિલાઓને લઇને અશ્લીલ ટિપ્પણી કરી હતી. જે બાદ તેમના પર પ્રતિબંધ લાદવામાં આવ્યો હતો. 
 

બન્ને ખેલાડી 5 વનડે મેચ નહોતા રમ્યા અને ઓસ્ટ્રેલિયાના પ્રવાસ દરમિયાન તેમને પરત ભારત મોકલવામાં આવ્યા હતા. આ બાદ હાર્દિક અને રાહુલે આ સમગ્ર મામલે માફી માગી હતી. આ સાથે જ તાજેતરમાં  BCCIના લોકપાલ સામે હાજર રહ્યા હતા અને  BCCI એ તેમને 20-20 લાખનો દંડ ફટકાર્યો હતો.