ક્રિકેટ / પંડ્યા રોકાવાનું નામ નથી લેતો : બીજી ધમાકેદાર સદી, 26 બોલમાં જુઓ કેટલાં ફટકાર્યા

• હાર્દિકે ચાર મેચમાં ફટકાર્યા 347 રન
• ત્રીજી મેચમાં 39 બોલમાં ફટકારી સદી
• 20 સિક્સરથી મેદાન પર મચાવ્યો કોહરામ 

લાંબા સમયથી ટીમથી બહાર હાર્દિકે ડી વાય પાટીલ ટૂર્નામેન્ટમાં શાનદાર પ્રદર્શન કરી બધાનું દિલ જીતી લીધું. હાર્દિકનાં આ પ્રદર્શનને જોઈએ સાઉથ આફ્રિકા સામેની વન ડે સીરીઝમાં હાર્દિકને ભારતીય ટીમમાં સામેલ કરવામાં આવે તેની પ્રબળ સંભવના છે.

ડી વાય પાટીલ ટી 20 ટૂર્નામેન્ટમાં રિલાયંસ વન ટીમ તરફથી હાર્દિકે માત્ર 55 બોલમાં 158 રન ફટકાર્યા. પંડ્યાએ માત્ર 39 બોલમાં સેન્ચુરી પૂરી કરી લીધી. 158 રનમાંથી 144 રન તો હાર્દિકે 20 સિક્સ અને 6 ચોક્કાથી કરી નાખ્યા હતા. આમ હાર્દિકે 26 બોલમાં હાર્દિકે 144 રન ફટકાર્યા. 

ડી વાય પાટીલ ટૂર્નામેન્ટમાં હાર્દિકે અત્યાર સુધી ચાર મેચ રમી છે. બીજી મેચમાં હાર્દિકે 10 સિક્સર્સની મદદથી 105 રન ઠોક્યા. બીજી મેચમાં હાર્દિકે 37 બોલમાં સેન્ચુરી ફટકારી હતી. ત્રીજી મેચમાં હાર્દિકે 46 રન કર્યા. હવે ચોથી મેચમાં તેમણે 20 સિક્સરની મદદથી 158 રન કરી શાનદાર પ્રદર્શન કર્યું છે. આમ ચાર મેચમાં હાર્દિકે 38 બોલમાં 347 રન કર્યા. 

નોંધનીય છે કે આ ટૂર્નામેન્ટમાં હાર્દિકે પોતાની શાનદાર બોલિંગથી પણ ખૂવ વિકેટ ઝડપી હતી. શરૂઆતની બે મેચમાં હાર્દિકે 10 વિકેટ ઝડપી.

હાર્દિકે છેલ્લી આંતરરાષ્ટ્રીય મેચ વર્ષ 2019માં સાઉથ આફ્રિકા વિરુદ્ધ રમી હતી. તે બાદથી જ તે ટીમની બહાર ચાલી રહ્યા છે. હાર્દિકે લંડનમાં સર્જરી પણ કરાવી હતી. હવે ભારત-સાઉથ આફ્રિકા વચ્ચે વન ડે સીરીઝ થવાની છે ત્યારે હાર્દિક પંડ્યાને ભારતીય ટીમમાં સામેલ કરવામાં આવે તેવી પ્રબળ સંભાવના છે.