નિવેદન / હાર્દિક પટેલે કહ્યુ- 'ચીન પર કરો સર્જિકલ સ્ટ્રાઇક', તો મોદીના મંત્રીએ આપ્યો આ જવાબ

વિપક્ષ આ મુદ્દા પર મોદી સરકાર પર પ્રહાર કરી રહ્યુ છે, ત્યારે ગુજરાત કોંગ્રેસના નેતા હાર્દિક પટેલે વિમાન ગુમ થયાનું કનેક્શન ચીન સાથે જોડતા સર્જિકલ સ્ટ્રાઇકની વાત કરી દીધી, જેના પર મોદી સરકારના મંત્રી કિરણ રિજિજૂએ જવાબ આપ્યો.

चीन मुर्दाबाद था और मुर्दाबाद ही रहेगा।
चीन को कहना चाहते है की हमारा विमान AN-32 और जवान वापिस करें। मोदी साहब चिंता मत करों, हम सब आपके साथ हैं।चीन पर सर्जिकल स्ट्राइक कीजिए और हमारे जवान को वापिस लाइए.

— Hardik Patel (@HardikPatel_) June 11, 2019

હાર્દિક પટેલે પોતાના ઑફિશ્યલ એકાઉન્ટ પરથી ટ્વિટ કર્યુ કે, ''ચીન મુર્દાબાદ હતું અને રહેશે. ચીનને કહેવા માગીએ છીએ કે અમારુ વિમાન AN-32 અને જવાન પરત કરો. મોદી સાહેબ તમે ચિંતા ના કરો, અમે બધા તમારી જોડે છીએ. ચીન પર સર્જિકલ સ્ટ્રાઇક કરો અને આપણા જવાનને પરત લાવો.'' 

आप कांग्रेस पार्टी के एक नेता है, क्या आपको पता है अरुणाचल प्रदेश कहाँ है? https://t.co/RgkEa1ohRk

— Kiren Rijiju (@KirenRijiju) June 11, 2019

જેના પર કેન્દ્રીય મંત્રી કિરણ રિજિજૂએ કહ્યુ કે, ''તમે કોંગ્રેસ પાર્ટીના એક નેતા છો, શું તમને ખબર છે અરૂણાચલ પ્રદેશ ક્યાં છે?'' વાસ્તવમાં વિમાનનો ભંગાર અરૂણાચલ પ્રદેશમાંથી મળ્યો, એવામાં હાર્દિક પટેલની તરફથી તેણે ચીન સાથે જોડ્યાની વાત પર મંત્રીએ પોતાની નારાજગી દર્શાવી છે. 

કિરણ રિજિજૂ સિવાય સોશ્યલ મીડિયાના ઘણા યૂઝર્સે હાર્દિકને ટ્રોલ કરતા કહ્યુ કે, ''પ્લેનનો ભંગાર તો અરૂણાચલમાં મળ્યો છે, તો ક્યારથી ચીનનો ભાગ બની ગયુ. થોડા સમાચાર પર ધ્યાન તો આપો.'' તો અન્ય યૂઝરે કહ્યુ કે, ''તમે ચિંતા નહી કરતા પ્લેનનો ભંગાર મળી ગયો છે. સમાચારોને જુઓ અને સાભળવાનું રાખો યાર...'' તો કેટલાક લોકોએ ફેક્ટ ચેક કર્યા વગર ટ્વિટ ના કરવાની સલાહ આપી. 

ઉલ્લેખનીય છે કે, ભારતીય વાયુસેનાનું વિમાન  AN-32ને 3 જૂનથી અસમના જોરહાટથી ઉડાન ભરી હતી, જેમાં ઇન્ડિયન એરફોર્સના 13 કર્મચારીઓ હતા, પ્લેનને અરૂણાચવલ પ્રદેશના મેચુકા એડવાન્સ લેન્ડિંગ ગ્રાઉન્ડ પર ઉતારવાનું હતુ, જોકે લગભગ 1 વાગે કંટ્રોલરૂમથી તેનો સંપર્ક તૂટી ગયો.

3 જૂનથી ગુમત થયેલા વિમાનનો  AN-32 ભંગાર અરુણાચલના સિયાન જિલ્લામાં દેખાયો છે. એરફોર્સની ટીમ હાલમાં તેની તપાસ કરી રહી હતી.. ગુમ થયેલા વિમાનની તપાસ માટે 3 દળ બનાવવામાં આવ્યા છે. છેવટે અરૂણાચલ પ્રદેશના લિપો નામક સ્થાનના 16 કિમી ઉત્તર સ્થિત જંગલોમાં વિમાનનો ભંગાર મળી આવ્યો.