અટકળોનું બજાર / શું કોંગ્રેસમાં સામેલ થશે હરભજન સિંહ? સિદ્ધુએ ફોટો શેર કરીને આપ્યો મોટો સંકેત

• પંજાબ કોંગ્રેસ ચીફ નવજોત સિંહ સિદ્ધુએ હરભજન સાથે કરી મુલાકાત
• હરભજને ભાજપમાં સામેલ થવાનો કર્યો ઈન્કાર
• પંજાબમા 2022 માં વિધાનસભાની ચૂંટણી યોજાવાની છે

સિદ્ધુએ પોતાના ઓફિશિયલ ટ્વિટર હેન્ડલ પર બુધવારે હરભજન સાથેની એક તસવીર શેર કરીને કેપ્શનમાં લખ્યું કે સંભાવનાઓ ભરેલી તસવીર, ચમકતે સિતારે, ભજ્જીની સાથે. સૂત્રોના જણાવ્યાનુસાર કોંગ્રેસ ભજ્જીને વિધાનસભાની ચૂંટણીમા જલંધરથી ટિકિટ આપવા માંગે છે. જોકે ભજ્જી તરફથી કોઈ સત્તાવાર નિવેદન આવ્યું નથી. 

Picture loaded with possibilities …. With Bhajji the shining star pic.twitter.com/5TWhPzFpNl

— Navjot Singh Sidhu (@sherryontopp) December 15, 2021

પંજાબ વિધાનસભાની છેલ્લી ચૂંટણીમાં પણ આવી જ અફવા ઉડી હતી

પંજાબ વિધાનસભાની છેલ્લી ચૂંટણીમાં પણ આવી જ અફવા ઉડી હતી ત્યારે ચર્ચા ચાલતી હતી કે ભજ્જી કોંગ્રેસમાં જોડાવાના છે. જોકે આખરે આ અફવા સાબિત થઈ છે અને હવે બીજી વાર ભજ્જીના કોંગ્રેસમાં સામેલ થવાને લઈને અટકળો ચાલી રહી છે. કેટલાક મીડિયા રિપોર્ટમાં તો ભજ્જીને કોંગ્રેસના જલંધરના ઉમેદવાર પણ જાહેર કરી દીધા હતા. 

ભજ્જીની હવે પછીની મંઝિલ રાજનીતિ હોઈ શકે
41 વર્ષીય હરભજન સિંહે હજુ સુધી ક્રિકેટમાંથી સંન્યાસ લીધો નથી પરંતુ તેની ક્રિકેટ કારકીર્દિ લગભગ પૂરી થઈ ગઈ છે.  ખુદ ભજ્જીએ આ વાતનો સ્વીકાર પણ કરેલો છે તેથી હવે ભજ્જી રાજનીતિને નવી કારકીર્દી પસંદ કરી શકે છે.