ચંદ્રયાન 2 ના સફળ લૉન્ચ બાદ હરભજન સિંહે પાકિસ્તાન સહિત ઘણા દેશોના ફ્લેગ લગાવીને નિશાન સાધ્યું હતું, જેના કારણે તેને ઘણા લોકોની ટીકાનો સામનો કરવો પડ્યો છે.
ચંદ્રયાન 2 ના સફળતાપૂર્વક લૉન્ચ થવાથી સમગ્ર દેશમાં ખુશીનો માહોલ છે. સોશિયલ મીડિયા પર શુભેચ્છા પાઠવવામાં આવી રહી છે. ભારતીય સ્પેસ એજન્સી ઇસરોના વૈજ્ઞાનિકોના દરેક જગ્યાએ વખાણ થઇ રહ્યા છે. આ વચ્ચે ભારતના દિગ્ગજ બોલર હરભજન સિંહે ચંદ્રયાનને લઇને એવું ટ્વિટ કરી દીધું, જેનાથી લોકો ભડકી ગયા અને એને ટ્રોલ કરવા લાગ્યા. એને પાકિસ્તાન સહિત ઘણા દેશોના ફ્લેગ મૂકીને લખ્યું કે ઘણા દેશોના ફ્લેગમાં ચંદ્ર છે અને કેટલાક દેશના ફ્લેગ ચાંદ પર હોય છે.
Some countries have moon on their flags
🇵🇰🇹🇷🇹🇳🇱🇾🇦🇿🇩🇿🇲🇾🇲🇻🇲🇷
— Harbhajan Turbanator (@harbhajan_singh) July 22, 2019
હરભજનના ટ્વિટમાં ચંદ્ર વાળા ફ્લેગમાં પાકિસ્તાન ઉપરાંત તુર્કી, લીબિયા, ટ્યૂનીશિયા, અઝરબૈજાન, અલ્ઝીરિયા, મલેશિયા, માલદીવ અને મૉરિટાનિયાનો ફ્લેગ હતો. જ્યારે ચંદ્ર પર પહોંચનાર દેશમાં અમેરિકા, ચીન, રશિયા અને ભારતનો ઝંડો હતો. એના આ ટ્વિટની લોકો ખૂબ જ ટીકા કરી રહ્યા છે.
May I disturb this bigoted story of yours with some reality? This is the Nepal flag, also with the crescent moon on it. Literally 'flagging' all 'Muslim' countries, is the essence of Islamophobic baiting & profiling. Wish you cd learn from Sri Lankan cricketers & rise above this. pic.twitter.com/HMPkexOE2V
ચંદ્રયાન 2 અંતરિક્ષ યાન 22 જુલાઇથી લઇને 13 ઑગસ્ટ સુધી પૃથ્વીનું ચક્કર લગાવશે. ત્યારબાદ 13 ઑગસ્ટથી 19 ઑગસ્ટ સુધી ચાંદ તરફ જનારી લાંભી કક્ષામાં યાત્રા કરશે. 19 ઑગસ્ટે આ ચંદ્રની કક્ષામાં પહોંચશે. ત્યારબાદ 13 દિવસ એટલે કે 31 ઑગસ્ટ સુધી એ ચંદ્રની ચારેય બાજુ ચક્કર લગાવશે. પછી 1 સપ્ટેમ્બરે વિક્રમ લેન્ડર ઑર્બિટરથી અલગ થઇ જશે અને ચંદ્ર દક્ષિણ ધ્રૃવની તરફ યાત્રા શરૂ કરશે.