રવિવારે ન્યૂઝીલેન્ડ સામે રમાયેલી T-20 મેચમાં ક્રૂણાલ પંડ્યાના સાથે મળીને દિનેશ કાર્તિકે ટીમ ઇન્ડિયાની જીતની નજીક તો પહોંચડી પરંતુ જીત ના અપાવી શક્યા. હવે સવાલ થઇ રહ્યા છે કે છેલ્લી ઓવરમાં જ્યારે ટિમ સાઉદી બૉલિંગ કરી રહ્યો હતો ત્યારે બીજી બૉલમાં જો દિનેશ કાર્તિક સિંગલ રન લેવાનો ઇન્કાર ના કરતો તો કદાચ આ મેચ અને સીરિઝનું પરિણામ કંઇક બીજુ હોત. ક્રિકેટર હરભજન સિંહે કાર્તિકે છેલ્લી ઑવરમાં સિંગલ ના લેવાના નિર્ણય પર સવાલો કર્યા.
વાસ્તવમાં થયું એવું કે મેચની અંતિમ ઑવરની ત્રીજી બૉલ પર કાર્તિકે શૉટ માર્યો ક્રૂણાલ પંડ્યા પછી એક રન લેવાનો પ્રયત્ન કર્યો અને દોડીને ક્રિઝની સામેની છેડે પહોંચી ગયો પરંતુ કાર્તિકે તેને પાછો મોકલી દીધો અને સ્ટ્રાઇક પોતાની પાસે રાખી. જે સમયે આ ઘટના થઇ ત્યારે ટીમ પાસે જીત માટે 14 રનની જરૂર હતી. મેચમાં આવા નાજુક સમયે 1-1 રન કિંમતી હોય છે કાર્તિક દ્વારા રન ન લેવાના નિર્ણય પર સવાલ ઉઠી રહ્યા છે. ત્રીજી બૉલ પર રન ના લેવાને નિર્ણય ખોટો સાબિત કરવાનો ઘણા કારણો છે. સાઉથીની પાછલી ઑવરમાં ક્રૂણાલ પંડ્યાએ સારા રન કર્યા હતા અને તે સારી બૉલિંગ કરી રહ્યો હતો. પંડ્યાએ જ સાઉથીની પાછલી ઑવરમાં ટીમ ઇન્ડિયાનુ કમબેક કરાવ્યુ હતુ.
મેચના છેલ્લા સમયમાં સિંગલ લેવા પર ઇન્કાર કરવાનું ચલણ ધોનીએ ઉપયોગ કર્યો હતો. 2013માં શ્રીલંકામાં વેસ્ટ ઇન્ડિઝ સામે ટ્રાઇ સીરિઝની ફાઇનલમાં સિંગલ લેવાથી બચતો રહ્યો હતો અને છેલ્લી ઓવરમાં સિક્સર ફટાકરી ટીમને જત અપાવી હતી. જોકે ધોની આ મેચમાં 10માં અને 11માં નંબર સાથે બેટિંગ કરી રહ્યો હતો અને ટીમ ઇન્ડિયાની જીત માટે ધોનીનું સ્ટ્રાઇક પર રહેવુ સારું ઑપ્શન હતો.
આ સંપૂર્ણ મામલામાં ક્રિકેટર હરભજન સિંહે કહ્યુ કે ધોની જો તમને ખબર હોય કે બીજો બેટ્સમેન શોટ્સ મારી શકે છે તો તે રન લેવાથી ક્યારેય ઇન્કાર નથી કરો. ફિનિશરનું કામ વિનિંગ શોટ લગાવવાનું નહી પાર્ટનર સાથે મળીને ટીમને જીત અપાવવાનું છે. કાર્તિકનો રવિવારે મેચમાં રન નહીં લેવાનો નિર્ણય તર્કોની વિરુદ્ધ છે. જો તે જગ્યાએ ભુવનેશ્વર કુમાર હોય તો સમજી શકાય છે. પરંતુ ત્યાં ક્રૂણાલ હતો. મને ખબર નથી કે કાર્તિકના મગજમાં શુ ચાલી રહ્યુ હતુ.
ભજ્જીનું માનવુ છે કે ''કાર્તિકનુ ફિનિશરના ટેગને વધારે ગંભીરતાથી ના લેવુ જોઇએ. મને ખબર છે કે ટીમ મેનેજમેન્ટ તેને પૂછશે કે તેણે સિંગલ લેવાનથી ઇન્કાર કેમ કર્યો. ક્ષણભરના નિર્ણયથી મેચનું પાસું પલટાઈ શકે છે અને કાર્તિક જેવા અનુભવી ખેલાડીને આ ખબર છે.''