પરિવારની કનડગતથી કંટાળી યુગલે સજોડે ઝેરી દવા ગટગટાવી સારવાર અર્થે ખસેડાયા

જામનગરમાં પ્રેમલગ્ન કરનાર યુગલે સજોડે ઝેરી દવા ગટગટાવી લીધી છે. પરિવારને પ્રેમલગ્ન પસંદ નહીં પડતા હોવાથી હેરાનગતિ કરાતી હતી. સતત પરેશાન રહેતા યુગલે આત્મવિલોપનની ચીમકી આપી હતી. યુગલને સારવાર માટે હોસ્પિટલ ખસેડવામાં આવ્યુ છે.  

ઉલ્લેખનીય છે કે શહેરના વૈશાલી નગરમાં રહેતા દંપતીએ થોડા સમય પહેલા પ્રેમ લગ્ન કર્યા હતા જો કે યુવતીના પિતા દ્વારા આ યુગલને વારંવાર કનડગત કરવામાં આવતી હતી. જો કે આ ઘટના છાશવારે બનતી હોવાથી યુવકે નજીકના પોલીસ મથકમાં જાણ કરવામાં આવી હતી. પરંતુ પોલીસે આ બાબતે કોઇ પગલા નહીં ભરતા આત્મવિલોપનની ચિમકી પણ ઉચ્ચારી હતી.

આ ઘટનાને પગલે આજરોજ યુવક અને યુવતીએ સજોડે ઝેરી દવા ગટગટાવી લેતા બંન્નેને તાત્કાલિક અસરથી દવાખાને સારવાર અર્થે મોકલી આપવામાં આવેલ.આ ઘટનાની જાણ થતા જ પોલીસ કાફલો ઘટના સ્થળે પહોંચી ગયો હતો અને પૂછપરછ હાથ ધરી હતી.