કાર્યવાહી / "હર હર શંભુ"થી ફેમસ થયેલ ગાયક ફરમાની નાઝની ચોરી પકડાઈ, YOU TUBEએ લીધા મોટા પગલાં 

• શ્રાવણ માસમાં ખૂબ વાયરલ થયેલ હર હર શંભુ ગીત મામલે મોટા સમાચાર 
• યુટ્યુબે ફરમાની નાઝના યુટ્યુબ એકાઉન્ટમાંથી હર હર શંભુ હટાવ્યું 
• હર હર શંભુ ગીતના ઓરીજનલ લેખકે ઉઠાવ્યો હતો વાંધો 

શ્રાવણ માસમાં હર હર શંભુ ગીત ખૂબ વાયરલ થયા બાદ હવે એક મોટા સમાચાર સામે આવ્યા છે. આ ગીતથી અચાનક લાઈમલાઇટમાં આવેલી ફરમાની નાઝના યુટ્યુબ એકાઉન્ટમાંથી હર હર શંભુ ગીત હટાવી દેવામાં આવ્યું છે. આવો જાણીએ એવું તે શું કારણ છે કે, ફરમાની નાઝની યુટ્યુબ ચેનલ પરથી આટલું લોકપ્રિય ગીત અચાનક હટાવવું પડ્યું. 

શ્રાવણ મહિનામાં હર હર શંભુનું ગીત દરેક ઘરમાં ગુંજતું હતું. લોકોને આ ગીત એટલું ગમ્યું કે, ફરમાની નાઝ રાતોરાત સ્ટાર બની ગઈ. આ માટે ફરમાનીને કેટલાક મુસ્લિમ કટ્ટરપંથીઓ તરફથી ધમકીઓ પણ મળી હતી, પરંતુ તે ડર્યા વગર પોતાનું કામ કરતી રહી, હકીકતમાં મામલો એવો છે કે, જે ગીત માટે ફરમાનીને આટલી લોકપ્રિયતા મળી હતી. એ ગીત મૂળ તેમનું નથી. હર હર શંભુ ગીત જેણે ફરમાની નાઝને લોકપ્રિય બનાવ્યું તે જીતુ શર્મા દ્વારા લખવામાં આવ્યું છે

ગીતના લેખક છે જીતુ શર્મા  

હર હર શંભુ ગીત જેણે ફરમાની નાઝને લોકપ્રિય બનાવ્યું તે જીતુ શર્મા દ્વારા લખવામાં આવ્યું છે, જે તેણે અભિલિપ્સા પાંડે સાથે રેકોર્ડ કર્યું હતું. એક ચેનલ સાથેની વાતચીતમાં જીતુ શર્માએ કહ્યું હતું કે, તેમને ફરમાની નાઝના ગીતથી કોઈ વાંધો નથી. આ ગીતનો શ્રેય ફક્ત તેને જ આપવો જોઈએ કારણ કે, તેણે તેને લખવામાં ઘણી મહેનત કરી હતી. ફરમાની નાઝને ખબર હતી કે, આ ગીત તેનું ઓરિજિનલ નથી, પરંતુ તેમ છતાં તેણે આ મુદ્દાને નજરઅંદાજ કરવાનું ચાલુ રાખ્યું હતું, હવે જીતુ શર્માના વિરોધ બાદ તેણે યુટ્યુબ પરથી ગીત હટાવવું પડ્યું હતું. કારણ કે, ગીતનો મૂળ કોપીરાઈટ જીતુ શર્મા પાસે છે. જો તમે કોપીરાઈટ હેઠળ કોઈની સામગ્રી, વિડિઓ અથવા ફોટો લો છો, તો તમે તેને ક્રેડિટ આપ્યા વિના લઈ શકતા નથી.

હર હર શંભુ ગીતના લેખક જીતુ શર્મા

હર હર શંભુના મૂળ લેખક જીતુ શર્મા ઓડિશાના છે. તેમના પિતા શાકભાજીની દુકાન બનાવીને ઘર ચલાવે છે. જીતુ શર્માએ મહેનતુ લોકોમાંથી એક છે, જેમનું બાળપણ અત્યંત ગરીબીમાં વીત્યું છે. તેથી જ તે 12મા ધોરણ સુધી જ પોતાનો અભ્યાસ પૂરો કરી શક્યા હતા.  જીતુ શર્મા ભલે ગરીબ પરિવારમાં ઉછર્યા હોય, પરંતુ તેમના સપના મોટા હતા. તેમને નાનપણથી જ ગાવાનો શોખ હતો. આ જ કારણ હતું કે, તેમણે 2014 માં યુટ્યુબ ચેનલ શરૂ કરી અને તેના માર્ગદર્શક આકાશ સાથે ગીતો બનાવવાનું શરૂ કર્યું. આ તરફ જ્યારે ફરમાની નાઝે તેમનું ગીત ગાઈને લોકપ્રિયતા મેળવી અને ક્રેડિટ પણ ન આપી, ત્યારે તેમને ખૂબ જ ખરાબ લાગ્યું. આ પછી તેણે કાયદાકીય કાર્યવાહી કરવાની જાહેરાત કરી હતી.