વંદે માતરમ્ / આ રીતે માત્ર 25 રૂપિયામાં તિરંગા માટે કરાવો બુકિંગ, 15 ઓગસ્ટ પહેલા પોસ્ટથી ઘરે આવી જશે

• ઇન્ડિયન પોસ્ટ ઘરે પહોચાડશે તિરંગા 
• માત્ર 25 રૂપિયા પ્રતિ તિરંગા મળશે 
• 15 ઓગસ્ટ પહેલા ડીલીવરી થઇ જશે

હર ઘર તિરંગા અભિયાન વિશે તો તમે બધાએ સાંભળ્યું જ હશે. જો તમે તમારા ઘરે રાષ્ટ્રધ્વજ ફરકાવવા માંગતા હોવ પરંતુ તમને ખબર નથી કે તમે તેને ક્યાંથી ખરીદી શકો છો અથવા તો બહાર લેવા જવાનો સમય ન હોય, તો આજની આ પોસ્ટ તમારા માટે છે. ઇન્ડિયા પોસ્ટ ઓફિસ ખૂબ જ ઓછી કિંમતમાં રાષ્ટ્રધ્વજ આપી રહી છે. સૌથી સારી વાત એ છે કે તમારે તમારી નજીકની પોસ્ટ ઓફિસમાં જવાની પણ જરૂર નથી. તમે તેને ઓનલાઇન ઓર્ડર કરી શકો છો. ત્યારપછી, તે તમારા ઘરે પહોંચી જશે. તમારે કોઈપણ પ્રકારનો ડિલિવરી ચાર્જ ચૂકવવો પડશે નહીં.

પોસ્ટ ઓફીસ ઘરે ડિલીવરી કરશે
75માં સ્વતંત્રતા દિવસ પહેલા પીએમ નરેન્દ્ર મોદીએ હર ઘર તિરંગા અભિયાન અંતર્ગત ભારતીયોને 13 ઓગસ્ટ અને 15 ઓગસ્ટથી પોતાના ઘરેથી રાષ્ટ્રધ્વજ ફરકાવવાની અપીલ કરી છે. હર ઘર તિરંગા અભિયાનને પ્રમોટ કરવા માટે ઇન્ડિયા પોસ્ટ ઓફિસ માત્ર 25 રૂપિયામાં રાષ્ટ્રધ્વજ વેચી રહી છે. આ ધ્વજની સાઇઝ 20 x 30 ઇંચ છે. તમે એક સાથે વધુમાં વધુ 5 ઝંડાનો ઓર્ડર આપી શકશો. તમારી પાસેથી કોઈપણ પ્રકારની ડિલિવરી ફી લેવામાં આવશે નહીં. તો ચાલો જાણીએ કે તમે ઘરે બેઠા કેવી રીતે રાષ્ટ્રધ્વજ ઓનલાઇન મંગાવી શકો છો.

રાષ્ટ્રધ્વજનો આ રીતે ઓર્ડર આપો:
- epostoffice.gov.in ઇપોસ્ટ ઓફિસ વેબસાઇટની મુલાકાત લો.
- પછી તમે ઓપન પ્રોડક્ટ્સ પર જઈ શકો છો.
- જ્યારે તમે પ્રોડક્ટ પર ક્લિક કરો છો, ત્યારે તમને પ્રથમ ભારતનો રાષ્ટ્રધ્વજ દેખાશે.
- આ પછી તમે તેને કાર્ટમાં ઉમેરી શકશો.
- ફ્લેગ ખરીદતા પહેલા તમારે તમારા ખાતાની નોંધણી કરાવવી પડશે. અથવા તો તમે ગેસ્ટ તરીકે પણ લોગઇન કરી શકો છો.
- પછી તમારે તમારો મોબાઇલ નંબર નાખવો પડશે.
- આ પછી તમારા મોબાઇલમાં એક ઓટીપી મોકલવામાં આવશે.
- ઓટીપી સબમિટ કરો અને પછી તમને નવી વિંડોમાં લઈ જવામાં આવશે. અહીં તમારે તમારું નામ, સરનામું અને ઇમેઇલ આઇડી દાખલ કરવું પડશે.
- એડ્રેસ નાંખ્યા બાદ તમારે પૈસા ચૂકવવા પડશે.
- ત્યાર પછી 15 ઓગસ્ટ પહેલા રાષ્ટ્રધ્વજ તમારા ઘરે પહોંચાડવામાં આવશે.