ગ્રામીણ ભારતને અધિકારિતા બક્ષવા ત્રણ મહિના સુધી વાઇફાઇ સુવિધા વિનામૂલ્યે પૂરી પાડવામાં આવશે એવું આઇટી પ્રધાન રવિશંકર પ્રસાદે જણાવ્યું છે. તેમણે જણાવ્યું હતું કે સરકાર કોમન સર્વિસ સેન્ટર્સ (સીએસસી) દ્વારા કનેક્ટ થયેલા તમામ ગામોને આગામી ત્રણ મહિના માટે વિનામૂલ્યે વાઇફાઇ અને ઇન્ટરનેટ સેવા પૂરી પાડશે.
ભારત નેટ સાથે સંકળાયેલાં ગામોને માર્ચ-૨૦૨૦ સુધી વિનામૂલ્યે વાઇફાઇ સેવા મળશે
વાત કરતા તેમણે જણાવ્યું કે અમોએ ભારત નેટ દ્વારા ૧.૩ લાખ ગ્રામ પંચાયતોને કનેક્ટ કરી દીધી છે
રવિશંકર પ્રસાદે એવું પણ જણાવ્યું કે ભારત નેટ સાથે સંકળાયેલાં ગામોને માર્ચ-૨૦૨૦ સુધી વિનામૂલ્યે વાઇફાઇ સેવા મળશે. આ અંગે વાત કરતા તેમણે જણાવ્યું કે અમોએ ભારત નેટ દ્વારા ૧.૩ લાખ ગ્રામ પંચાયતોને કનેક્ટ કરી દીધી છે અને હવે અમારું લક્ષ્ય ૨.૫ લાખ ગ્રામ પંચાયતોને કનેક્ટ કરવાનું છે. ભારત નેટ સેવાની ઉપયોગિતાને વધારવા માટે અમે ભારત નેટ દ્વારા કનેક્ટ થયેલાં તમામ ગામોને માર્ચ-૨૦૨૦ સુધી વિનામૂલ્યે વાઇફાઇ સેવા પૂરી પાડીશું. આજે ૨.૨૫ લાખ ગ્રામ પંચાયતોની આસપાસ ૩.૬૦ લાખ કોમન સર્વિસ સેન્ટર છે.