બોલિવૂડનો એનર્જેટિક સ્ટાર એટલે રણવીર સિંહ. તમે તેને કોઇ પણ ફિલ્મમાં જોશો તેની એનર્જી એક લેવલથી ઉપર જ હશે, આજે એ જ એનર્જીના ભંડારનો જન્મદિવસ છે. રણવીરની ખાસ વાત છે કે તેની આ એનર્જીના લીધે જ એવરેજ ફિલ્મો પણ વધારે સારી રીતે પરદા પર દેખાઇ અને પરિણામે બોક્સ ઑફિસના રેકોર્ડ તોડી નાંખ્યા.
રણવીર સિંહનો જન્મદિવસ
રણવીર-દિપીકાની હિટ જોડીએ 100 કરોડની કમાણી કરી
ખિલજીના પાત્રમાં ખૂબ વખણાયો
એવી કેટલીક ફિલ્મો છે જે તેની એનર્જીના કારણે સુપર ડુપર હિટ રહી. કેટલીક ફિલ્મોમાં રણવીરના હોવા માત્રથી જ સિનારીયો જ બદલાઇ જાય છે.
પદ્માવત
ફિલ્મ પદ્માવતમાં રણવીર સિંહના પાત્રને ખૂબ પસંદ કરવામાં આવ્યું હતું. નકારાત્મક ભૂમિકામાં નજરે પડેલા આ અભિનેતાએ ખૂબ જ સારું કામ કર્યું અને આ ફિલ્મે બોક્સ ઓફિસ પર 282.28 કરોડ રૂપિયાનો બિઝનેસ કર્યો. જો કે, પદ્માવતને લઈને દેશભરમાં ઘણા વિવાદ થયા હતા અને રાજસ્થાન, ગુજરાત જેવા ઘણા રાજ્યોમાં આ ફિલ્મ રિલીઝ થઈ શકી ન હતી.
સિમ્બા
રોહિત શેટ્ટીની ફિલ્મ સિમ્બામાં રણવીર સિંઘ પોલીસ અધિકારીની ભૂમિકામાં જોવા મળ્યો હતો અને આ ફિલ્મમાં રણવીર સિંહની એક્શન અને એનર્જીએ પણ ફિલ્મ ખાસ બનાવી હતી. દર્શકોને ફિલ્મ એટલી ગમી કે ફિલ્મનો બિઝનેસ 239.84 રૂપિયા હતો.
બાજીરાવ મસ્તાની
ઇતિહાસ આધારિત ફિલ્મ બાજીરાવ મસ્તાનીમાં રણવીરસિંહે દીપિકા પાદુકોણ સાથે સારુ કામ કર્યુ હતુ. આ ફિલ્મને લોકોએ પસંદ કરી હતી અને ફિલ્મમાં 183.75 કરોડનું કલેક્શન હતું.
ગલી બૉય
ગલી બોયે રણવીર સિંહની કારકિર્દીની એક ફિલ્મ છે કે જેણે માત્ર બોક્સ ઓફિસ પર સારો સંગ્રહ જ કર્યો નથી, પરંતુ ટીકાકારોએ પણ આ ફિલ્મના વખાણ કર્યા છે. આ ફિલ્મમાં રણવીર સિંહની એનર્જીએ ફિલ્મને વિશેષ બનાવી હતી અને ભારતે તેને ઓસ્કાર માટે મોકલી હતી.
ગોલીઓકી રાસલીલા - રામ લીલા
રામ લીલા ફિલ્મમાં રણવીર સિંહ ફુલ એનર્જીમાં જોવા મળ્યો હતો. આ ફિલ્મમાં પણ રણવીરે દીપિકા સાથે શાનદાર કામ કર્યું હતું. ફિલ્મના સંગ્રહની વાત કરીએ તો તે સમયે આ ફિલ્મ 100 કરોડની ક્લબમાં સામેલ થઈ હતી અને આ ફિલ્મે 112.97 કરોડ રૂપિયાનો બિઝનેસ કર્યો હતો.