બોલિવૂડના પહેલા સુપરસ્ટાર રાજેશ ખન્ના, જેમણે બોલિવૂડ પર રાજ કર્યુ અને તેમના જેવું સ્ટારડમ કદાચ જ કોઇએ માણ્યુ હશે. રાજેશ ખન્ના એક એવા સ્ટાર હતા જેમના નામે મોટા મોટા રેકોર્ડ છે અને આજ સુધી તે રેકોર્ડ કોઇ તોડી શક્યુ નથી. આજે તેમની જન્મતિથિ પર કેટલીક વાતો જાણીએ જે કદાચ જ કોઇ જાણતું હશે.
રાજેશ ખન્નાની જન્મતિથિ
કાકાના નામથી પ્રસિદ્ધ હતા
ટ્વિંકલ ખન્નાનો પણ જન્મ દિવસ
ગુલઝારને કર્યા હતા ઇગ્નોર
1970નો સમય એટલે રાજેશ ખન્નાનો સમય, ઇન્ડસ્ટ્રીમાં જો કોઇ સુપરસ્ટાર કે મહાનાયક કે કોઇ પણ નામ દો માત્ર એક જ વ્યક્તિ રાજેશ ખન્ના. ગુલઝાર સાથે કામ કરવા માટે કોઇ પણ વ્યક્તિ ના ન પાડે અને ગુલઝારને ઇગ્નોર કરવાની વાત તો કોિ સપનામાં પણ ન વિચારે. 1970માં ગુલઝારે રાજેશ ખન્નાને ધ્યાનમાં રાખીને એક ફિલ્મ લખી હતી અને તેને સાઇન કરવા માટે તે રાજેશ ખન્નાને મળવા ગયા. રાજેશ ખન્ના તે સમયે દરબાર ભરતા હતા જેમાં ચમચા કહી શકાય તેવા માણસો હાજરી આપતા હતા. ગુલઝાર સાહેબ કે જે 10 વાગે સુઇ જનારા વ્યક્તિ હતા તેમણે રાજેશ ખન્નાની 1 વાગ્યા સુધી રાહ જોઇ પરંતુ રાજેશ ખન્ના તેમની મહેફીલમાં વ્યસ્ત હતા. ગુલઝાર સાહેબ 1 વાગે ઘરે જતા રહ્યાં અને બીજા જ દિવસે તેમણે જીતેન્દ્રને તે ફિલ્મમાં કાસ્ટ કરી લીધો. તે રાત બાદ ક્યારેય ગુલઝાર રાજેશ ખન્નાને મળ્યા નહી.
એકમાત્ર હિરોઇને મચક ન આપી
રાજેશ ખન્ના તે સમયના પારસમણિ હતા. જેને અડે તે સોનુ થઇ જાય. જે ફિલ્મમાં કામ કરે તે ફિલ્મ હીટ થઇ જાય. રાજેશ ખન્નાને ગમતુ હતુ કે હિરોઇન તેમના ઇગોને સંતોષે અને એક્ટર તેની મજા લે. સમગ્ર બોલિવૂડમાં દરેક હિરોઇન તેમના ઇગોને સંતોષતી હતી પરંતુ એક માત્ર એક્ટ્રેસ કે જેણે ક્યારેય રાજેશ ખન્નાના ઇગોને સંતોષ્યો ન હતો તે હતી જયા બચ્ચન. બાવરચી સિવાય બંનેએ ક્યારેય સાથે કામ પણ નહોતુ કર્યું.
રાજેશ ખન્નાના અફેર
રાજેશ ખન્ના જેટલા હિટ ફિલ્મો માટે ફેમસ હતા તેટલા જ ફેમસ તે અફેર માટે પણ હતા. રાજેશ ખન્નાનું અફેર અંજુ મહેન્દ્રુ સાથે હતું કે જે બોલિવૂડની એક્ટ્રેસ હતી. તે સિવાય એક પત્રકાર દેવ્યાની સાથે પણ તેમનું અફેર હતું પરંતુ તેમણે 16 વર્ષની ડિમ્પલ સાથે લગ્ન કરીને સૌને ચોંકાવી દીધા હતા. ડિમ્પલ અને રાજેશનું ખાસ કંઇ જામ્યુ નહી માટે તેણે રાજેશ ખન્નાનું ઘર છોડી દીધુ હતું.
ઇગો ક્લેશના કારણે છોડી આ ફિલ્મ
મનોજ કુમાર કે જે દેશભક્તિની ફિલ્મો બનાવવા માટે જાણીતા છે તેમણે રાજેશ ખન્નાને લઇને નયા ભારત નામની ફિલ્મ બનાવવાનું વિચાર્યુ અને તેમને સાઇન પણ કર્યા. તે ફિલ્મમાં મનોજ કુમારનો પણ સેમ રોલ હતો પરંતુ પરદા પર કોનું નામ પહેલા આવશે તેને લઇને ઇગો ક્લેશ થયો અને આ ફિલ્મ ક્યારેય બની જ નહી.
ટ્વિંકલને લાગતું હતું તેના માટે આવે છે ફૂલ
રાજેશ ખન્ના અને તેની દીકરી ટ્વિંકલ ખન્નાનો જન્મદિવસ એક જ દિવસે એટલે કે 29 ડિસેમ્બરના રોજ આવે છે. કાકા માટે જ્યારે જન્મદિવસ પર ફૂલોથી ભરેલો ટ્રક આવતો હતો ત્યારે ટ્વિંકલને લાગતું હતું કે તે ફૂલ તેના માટે આવે છે પરંતુ સમય જતાંની સાથે તેને ખબર પડી કે આ ટ્રક તેના પિતા અને બોલિવૂડના સુપરસ્ટાર રાજેશ ખન્ના માટે આવે છે.
આઉટ ઓફ કંટ્રોલ
રાજેશ ખન્નાની પોપ્યુલારીટી અને સક્સેસ એટલી બધી હતી કે તેમના કંટ્રોલમાં બોલિવૂડ ઇન્ડસ્ટ્રી હતી. ડિરેક્ટર, રાઇટર, એક્ટર દરેક લોકો રાજેશ ખન્ના કહે તેમ કરતા હતા, તે માત્ર એક જ વ્યક્તિના કંટ્રોલમાં રહેતા હતા તે છે હ્રિષિકેશ મુખર્જી.