Happy B'day / 36 ભાષામાં 50,000 ગીત આપનાર સ્વરકોકિલાનો લતાજીનો જન્મદિવસ 

• લતા મંગેશકરનો જન્મદિવસ 
• પિતા સામે ગાતા લાગતી બિક 
• સ્વર કોકિલાના નામે ઘણા રેકોર્ડ

લતાજી કહે છે કે મારા પિતા દીનાનાથ મંગેશકરને લાંબા સમય સુધી ખબર ન હતી કે હું ગાઇ પણ શકું છું.  લતાને તેમની સામે ગાવામાં બીક લાગતી હતી. તેઓ રસોઇમાં માતાને મદદ કરવા આવતી મહિલાઓને કંઇક ગાઇને સંભળાવતાં હતાં. માતા લડીને તેમને ભગાડી દેતી કેમકે લતાના ગાવાના કારણે  મહિલાઓનું ધ્યાન ભટકી જતું હતું. 

એક વખત લતાના પિતાના શિષ્ય ચંદ્રકાંત ગોખલે રિયાઝ કરી રહ્યા હતા. દીનાનાથ કોઇ કામથી બહાર ગયા હતા. પાંચ વર્ષની લતા ત્યાં જ રમી રહી હતી. પિતા બહાર નીકળ્યા પછી લતા અંદર ગઇ અને ગોખલેને કહેવા લાગી  કે તેઓ ખોટું ગાઇ રહ્યા છે. ત્યાર બાદ લતાએ ગોખલેને યોગ્ય રીતે ગાઇને સંભ‍ળાવ્યું. પિતા પરત આવ્યા ત્યારે તેમણે લતાને ફરી ગાવાનું કહ્યું. લતા ગાઇને ત્યાંથી ભાગી ગયાં. લતા માને છે કે પિતાનું સંગીત સાંભળીને જ હું ગાતાં શીખી છું. ત્યાર બાદ લતા અને તેમની બહેન મીનાએ પિતા સાથે સંગીત શીખવાનું શરૂ કર્યું.