Happy Birthday / માત્ર 16 વર્ષની ઉંમરે પિતા સાથે ઝઘડો કરીને નિકળી ગઈ હતી, આજે બૉલીવુડની બોલ્ડ કવિન બની ગઈ કંગના

• બોલીવુડની ક્વીન કંગના રનોતનો આજે જન્મ દિવસ
• કંગનાએ 16 વર્ષે જ પિતા સાથે કર્યો હતો બળવો
• માતા-પિતા કંગનાને ડૉકટર બનાવવા માગતા હતા 

16 વર્ષની ઉંમરમાં જ પિતા સાથે કર્યો હતો બળવો

બોલીવુડમાં કામ કર્યુ હોવા છતાં કંગનાએ ઈન્ડસ્ટ્રીના ઘણા લોકો અને તેની કામ કરવાની પદ્ધતિ પર સવાલ ઉઠાવીને પંગા લીધા છે. જ્યાં તેના ચાહકો તો તેના આ અંદાજ પર તેને પ્રોત્સાહિત કરે છે, પરંતુ ટીકાકારોના નિશાને પણ કંગના હંમેશા રહે છે. કંગનાનો જન્મ 23 માર્ચ, 1987ના રોજ હિમાચલ પ્રદેશના મંડી જિલ્લાની પાસે સ્થિત સુરજપૂર ભાંબલામાં થયો હતો. તેના માતા-પિતા તેને ડૉકટર બનાવવા માગતા હતા. પરંતુ માતા-પિતા સાથે ઝગડો કરીને તે દિલ્હી આવી ગઇ. કંગના 16 વર્ષની ઉંમરમાં દિલ્હી પહોંચી અને પછી તે મૉડલ બની. તેના પિતા ઈચ્છતા નહોતા કે કંગના ફિલ્મોમાં કામ કરે. ત્યારબાદ બંનેના સંબંધોમાં તિરાડ આવી હતી. જો કે, આજે કંગનાનો પરિવાર તેના આ નિર્ણયથી ખુશ છે.

2006માં કર્યુ બોલીવુડમાં ડેબ્યુ

કંગનાએ તેનુ ડેબ્યુ 2006માં ફિલ્મ ગેંગ્સ્ટરથી કર્યુ અને ત્યારબાદ શરૂ થયો તેનો બોલીવુડમાં છવાઈ જવાનો સફર, જે અત્યાર સુધી સફળતાપૂર્વક ચાલી રહ્યો છે. કંગનાએ અત્યાર સુધી આશરે 34 ફિલ્મોમાં કામ કર્યુ છે. જેમાં તેણે ઘણી વખત સફળતાના શિખરો સર કર્યા છે અને ઘણી ફિલ્મો કોઈ મેલ એક્ટર વગર કંગનાએ તેના દમ પર બોક્સ ઑફિસ પર ચલાવી છે.  જ્યાં બોલીવુડના ઘણા દિગ્ગજ કલાકારોને એક પણ વખત નેશનલ એવોર્ડ મળ્યો નથી. જ્યારે કંગના એવી અભિનેત્રી છે, જેણે તેના અભિનયના કારણે ત્રણ વખત નેશનલ એવોર્ડ પણ મળ્યાં છે.