મધ્યપ્રદેશના દમોહના રહેવાશી પોલીસ અધિકારી પરિવારનો અદ્દભૂત ગૌ પ્રેમ સામે આવ્યો છે.
મધ્યપ્રદેશના દમોહના અધિકારી પરિવારનો ગૌ પ્રેમ
છેલ્લા છ વર્ષથી ગૌરી નામની ગાયનો બર્થડે મનાવી રહ્યાં છે
માણસોના બર્થડેની જેમ ઉજવી છે ગૌરીનો બર્થડે
પ્રાણીપ્રેમીઓ પ્રાણીઓને તેમના પરિવારના સભ્યો માને છે. સાથે જ લોકો ગાયને માતાનો દરજ્જો આપે છે. મધ્યપ્રદેશના દમોહ જિલ્લાના હિંડોરિયામાં એક પોલીસ અધિકારીનો પરિવાર પણ તેમની ગાયને પરિવારના સભ્યની જેમ જ માને છે.
કેક કાપી આરતી-પૂજન ગૌરીના જન્મદિવસ પર
પરિવારે કેક કાપીને તેની પૂજા કરી હતી. આ દરમિયાન હેપ્પી બર્થ ડે ગૌરીનું પણ ગાવામાં આવ્યું હતું. આ દરમિયાન ત્યાં હાજર લોકોએ પણ તાળીઓ પાડીને હેપ્પી બર્થ ડે ગૌરી સોંગની ધૂનમાં ઉમેરો કર્યો હતો. દેવેન્દ્ર પ્રતાપ સિંહનું કહેવું છે કે ગાય ભારતીય સંસ્કૃતિ અને સમૃદ્ધિનું પ્રતિક છે.
છ વર્ષથી પરિવાર ઉજવી રહ્યો છે ગૌરીનો જન્મદિવસ
પરિવાર છેલ્લા છ વર્ષથી તેમની ગૌરી નામની ગાયનો બર્થડે ઉજવી રહ્યો છે. બિલકુલ માણસોની જેમ ગૌરીનો જન્મદિવસ ઉજવવામાં આવે છે. આ માટે પોલીસ અધિકારીનો પરિવાર હજારો રુપિયાનો ખર્ચ કરે છે અને સગાવહાલાને જમાડે પણ છે.
પોલીસ અધિકારીનો છે પરિવાર
આ પરિવાર જબલપુરના આર્થિક ગુના સેલમાં પોલીસ અધિક્ષક દેવેન્દ્ર પ્રતાપ સિંહ રાજપૂતનો છે. તેમનું કહેવું છે કે ગૌરીનો જન્મ 2017માં થયો હતો. ત્યારથી, અમે દર વર્ષે તેમનો જન્મદિવસ ઉજવીએ છીએ. તેમણે કહ્યું કે, હાલ ગૌરી દમોહના હિંડોરિયા શહેરમાં છે. અહીં દેવેન્દ્ર પ્રતાપસિંહના સાસુ-સસરા છે. તેમણે કહ્યું કે ગૌરીના જન્મદિવસમાં તેના પુત્ર ચિરાગ અને પત્ની સિવાય અન્ય લોકો હાજર રહે છે. એસપી દેવેન્દ્રના જણાવ્યા અનુસાર ગૌરીને જન્મ આપનારી શ્યામા ગાય પણ મારા પરિવારનો મહત્વનો ભાગ છે.