ફિલ્મ ઇન્ડસ્ટ્રીમાં દરેકનો કામ કરવાનો અલગ રુલ હોય છે પરંતુ સાઉથનો આ એક્ટર દરેકના દિલમાં વસે છે. આજે બ્રહ્માનંદમનો જન્મદિવસ છે.
બ્રહ્માનંદમનો આજે 65મો જન્મદિવસ
ગિનીસ બૂક વર્લ્ડ રેકોર્ડમાં છે સ્થાન
સાઉથ ઇન્ડસ્ટ્રી એક્ટર વગર અધૂરી
કેટલાક એક્ટર્સ 2-3 વર્ષે એક ફિલ્મ કરતા હોય છે તો બીજી તરફ કેટલાક એક્ટર્સ વર્ષમાં ત્રણથી પાંચ ફિલ્મ કરે છે અને તેવા જ સાઉથના એક કલાકાર છે બ્રહ્માનંદમ જેમના વગર સાઉથ ઇન્ડિયન ઇન્ડસ્ટ્રી અધૂરી છે. સાઉથની ફિલ્મોમાં બ્રહ્માનંદમ ન હોય તો જાણે ફિલ્મ અધૂરી લાગે, તેણે એટલી ફિલ્મો કરી છે કે તેમનુ નામ ગિનીસ બૂક ઓફ વર્લ્ડ રેકોર્ડમાં નોંધાયેલુ છે.
બ્રહ્માનંદમ દુનિયાના એક માત્ર એક્ટર છે જેમણે 1000થી વધુ ફિલ્મોમાં કામ કર્યુ છે. એક્ટરનો જન્મ 1 ફેબ્રુઆરી 1956ના રોજ થયો હતો. આજે બ્રહ્માનંદમ પોતાનો 65મો જન્મદિવસ ઉજવી રહ્યાં છે.
એક્ટિંગ સિવાય તે મૂર્તિઓ બનાવવામાં રસ ધરાવે છે. તેમને કોમેડી કિંગનુ બિરુદ આપવામાં આવ્યું છે. કારણકે લોકોને હસાવવા માટે માત્ર તેમના એક્સપ્રેશન કાફી છે. એક્ટરની ડાયલોગ ડિલીવરી પણ ફેન્સના દિલોમાં પોતાની અલગ છાપ છોડી જાય છે.
બ્રહ્માનંદમ ભારતના સૌથી વધારે કમાણી કરનારા એક્ટર્સમાંથી એક છે. તે સિવાય તેમના વિશે એક વાત ઘણી ફેમસ છે કે સાંજના 7 વાગ્યા પછી તે ઘરેથી બહાર નીકળવું પસંદ કરતા નથી. બ્રહ્માનંદમે 997 ફિલ્મ કર્યા બાદ પોતાની ફિલ્મોની ગણતરી બંધ કરી દીધી હતી. વર્ષ 2009માં સિનેમામાં પોતાનુ યોગદાન આપવા માટે ભારત સરકારે તેમને પદ્મશ્રીથી નવાજ્યા હતા.