6 ડિસેમ્બરનો દિવસ ભારતીય ક્રિકેટ માટે ખૂબ મહત્વનો છે. ભારતીય ટીમ માટે આંતરરાષ્ટ્રીય ક્રિકેટમાં પોતાનું ધારદાર પ્રદર્શન કરનાારા પાંચ ખેલાડીઓનો આજે જન્મ દિવસ છે. જેમાંથી 3 ખેલાડી એવા છે, જે ટીમ ઈન્ડિયાના કાયમી ખેલાડી છે અને લાંબા સમયથી ટીમમાંથી બહાર છે.
6 ડિસેમ્બરે ભારતીય ક્રિકેટના 5 ખેલાડીઓનો જન્મ દિવસ
આંતરરાષ્ટ્રીય ક્રિકેટમાં પોતાના ધારદાર અંદાજથી ઓળખાય છે
જાણો કયા છે ભારતના પાંચ ધુરંધર ખેલાડીઓ
આ સાથે એક ધુરંધરે આંતરરાષ્ટ્રીય ક્રિકેટમાંથી સંન્યાસ લઇ લીધો છે. 6 ડિસેમ્બરે જન્મેલા આ પાંચ ખેલાડીઓમાં રવિેન્દ્ર જાડેજા, જસપ્રીત બુમરાહ, શ્રેયસ ઐયર, કરૂણ નાયર અને આરપી સિંહનું નામ સામેલ છે.
રવિન્દ્ર જાડેજા
ભારતીય ટીમના ઓલરાઉન્ડર રવિન્દ્ર જાડેજા આજે 33 વર્ષના થયા છે. 6 ડિસેમ્બર 1988ના રોજ સૌરાષ્ટ્રમાં જન્મેલા રવિન્દ્ર જાડેજાએ પોતાની આંતરરાષ્ટ્રીય કારકિર્દીની શરૂઆત 2009માં શ્રીલંકા સામે કરી હતી. જાડેજાએ અત્યાર સુધી 168 આંતરરાષ્ટ્રીય વન-ડે મેચ રમી છે. જેમાં તેમણે 32.58ની સરેરાશથી 2769 રન બનાવ્યાં છે. તેમણે આતંરરાષ્ટ્રીય વન-ડે મેચમાં 188 વિકેટ લીધી છે.
— Chennai Super Kings - Mask P😷du Whistle P🥳du! (@ChennaiIPL) December 5, 2021
જસપ્રીત બુમરાહ
ભારતના ફાસ્ટ બોલિંગના યુનિટની વાત કરીએ તો જસપ્રીત બુમરાહ આજે 28 વર્ષના થયા છે. 6 ડિસેમ્બર 1993ના રોજ અમદાવાદમાં જન્મેલા બુમરાહ ભારતીય ટીમ તરફથી ત્રણેય ફોર્મેટમાં રમ્યા છે. બુમરાહ જમોણી બોલર છે. તેમનુ કડક હથિયાર યોર્કર છે, જેનાથી તેઓ બેટ્સમેનને મુશ્કેલીમાં મુકી દે છે. બુમરાહે આંતરરાષ્ટ્રીય 58 વન-ડે મેચમાં 25.33ની સરેરાશથી 108 વિકેટ લીધી છે. તો 55 ટી-20 મેચમાં તેમણે 19.54ની સરેરાશથી 66 વિકેટ લીધી છે.
શ્રેયસ ઐયર
મુંબઈનો આ બેટ્સમેન આજે 27 વર્ષનો થયો છે. ઐયર ભારતીય ટીમના ટી-20 અને વન-ડેનો મહત્વનો ખેલાડી છે. પ્રથમ શ્રેણીમાં શાનદાર પ્રદર્શન કરી તેમને ન્યુઝીલેન્ડ સામેની શ્રેણીમાં ટેસ્ટમાં ડેબ્યુ કરવાની તક પણ મળી છે. ઐયરના નામે 22 આંતરરાષ્ટ્રીય મેચમાં 813 રન બનાવ્યાં અને 32 ટી-20 મેચમાં 580 રન બનાવ્યાં છે.
કરૂણ નાયર
જોધપુરમાં જન્મેલા કરૂણ નાયર મૂળ કર્ણાટકના છે. તેઓ આજે 30 વર્ષના થયા છે. કરૂણ નાયર ટેસ્ટ મેચમાં વિરેન્દ્ર સહેવાગ બાદ ત્રિપલ સદી ફટકારનારા બીજા ભારતીય ક્રિકેટર છે. જોકે, તેમને વધુ તક મળી નથી અને 2016 બાદ તેઓ આંતરરાષ્ટ્રીય ક્રિકેટથી દૂર છે.
આરપી સિંહ
રાયબરેલીમાં જન્મેલા આરપી સિંહ આજે 36 વર્ષના થયા છે. ઉત્તર પ્રદેશના આ ફાસ્ટ બોલરે ધમાકેદાર અંદાજમાં પોતાની ક્રિકેટ કારકિર્દીની શરૂઆત કરી હતી. આરપીને 2006માં પાકિસ્તાન સામે ફૈસલાબાદ ટેસ્ટમાં ડેબ્યુ કરવાની તક મળી. તેઓ પોતાની પ્રથમ મેચમાં મેન ઓફ ધ મેચ રહ્યાં છે. 2007માં પ્રથમ ટી-20 વર્લ્ડ કપમાં ભારતને ચેમ્પિયન બનાવવાની આરપીની મહત્વપૂર્ણ ભૂમિકા રહી હતી.