દુર્ઘટના / લગ્નની ખુશી માતમમાં ફેરવાઈ, પાર્ટીમાં આકાશી વીજળી ત્રાટકી, 16 લોકો ભડથું થયા, ઘણા ઘાયલ

• બાંગ્લાદેશની રાજધાની ઢાકામાં  લગ્નપ્રસંગના સ્થળે આકાશી વીજળી ત્રાટકી
• 16 લોકોના મોત થયા જ્યારે બીજા ઘણા લોકોના ઘાયલ 
• નદીમાં તરતી નાવો પર એક શખ્સના લગ્નની પાર્ટી ચાલી રહી 
• ત્યારે વીજળી પડી, વરરાજા દાઝ્યા

ઢાકાથી થોડે દૂર શિબગંજમાં આ દુર્ઘટના બની હતી. નહીં નદીમાં તરતી નાવો પર એક શખ્સના લગ્નની પાર્ટી ચાલી રહી હતી. પાર્ટીમાં ઘણા લોકો આવ્યાં હતા, લોકો મસ્ત બનીને પાર્ટીને એન્જોય કરી રહ્યાં હતા, ચારેબાજુએ ખુશીનો માહોલ હતો.

નાવ પર પાર્ટી ચાલી રહી હતી, વરસાદથી બચવા લોકો કિનારે દોડ્યા 

બરાબર આ સમયે હવામાન પણ ખરાબ થયું અને જોરદાર વરસાદ વરસવા લાગ્યો. વરસાદથી બચવા લોકો નાવ છોડીને નદીના કિનારે જવા લાગ્યા અને આ દરમિયાન એક જોરદાર અવાજ સાથે વીજળી પડી અને તેની ચપેટમાં આવતા 16 લોકોના મોત થયા હતા. 

આંખના પલકારામાં તો લગ્નની ખુશીનો માહોલ માતમમાં ફેરવાયો
આંખના પલકારામાં તો લગ્નની ખુશીનો માહોલ માતમમાં ફેરવાયો, લોકોની ચિચિયારી અને રોકકકળથી માહોલ ગમગીન બની ગયો. શહેરના એક અધિકારીએ જણાવ્યું કે કેટલાક લોકો નદીમાં આંધી-વરસાદથી બચવા નાવ છોડીને કિનારે આવ્યાં હતા ત્યારે વીજળી પડી. 

હાજર ન હોવાથી દુલ્હન બચી ગઈ, વરરાજો ગંભીર રીતે દાઝ્યો 

સદનસીબે ઘટના બની ત્યારે હાજર ન હોવાથી દુલ્હન બચી ગઈ. વરરાજો પણ ગંભીર રીતે દાઝ્યા હોવાનું જણાવાય છે. ઘાયલોને સારવાર અર્થે હોસ્પિટલમાં દાખલ કરવામાં આવ્યાં જ્યાં કેટલાકની સ્થિતિ ગંભીર બની હતી.