IPLIN
 

BIG NEWS / સાંસદ નવનીત રાણાએ દિલ્હીના મંદિરમાં હનુમાન ચાલીસાનું પઠન કર્યું, પતિ સાથે આરતી પણ ઉતારી

Team VTV 12:54 PM, 14 May 22
Follow us
hanuman chalisa row mp navneet rana pray in delhi

મહારાષ્ટ્રના અમરાવતીથી અપક્ષ સાંસદ નવનીત રાણાએ દિલ્હીના કનોટ પ્લેસ સ્થિત આવેલા મંદિરમાં હનુમાન ચાલીસાનું પઠન કર્યું હતું.

  • અમરાવતીથી અપક્ષ સાંસદ નવનીત રાણા હનુમાનજીના શરણે
  • દિલ્હીના કનોટ પ્લેસમાં આવેલા મંદિરમાં હનુમાન ચાલીસાનું પઠન કર્યું
  • પતિ સાથે આવેલા સાંસદે મંદિરમાં આરતી પણ ઉતારી


મહારાષ્ટ્રના અમરાવતીથી અપક્ષ સાંસદ નવનીત રાણાએ દિલ્હીના કનોટ પ્લેસ સ્થિત આવેલા મંદિરમાં હનુમાન ચાલીસાનું પઠન કર્યું હતું. તેમણે અહીં હનુમાન ચાલીસા પાઠ બાદ આરતી પણ કરી હતી. આ દરમિયાન તેમની સાથે તેમના ધારાસભ્ય પતિ રવિ રાણા પણ હાજર રહ્યા હતા. 

 
આ અગાઉ મીડિયા સાથે વાત કરતા નવનીત રાણાએ કહ્યું હતું કે, રાણા દંપત્તિ કોઈના રિમોટ કંટ્રોલથી નથી ચાલતા. ભાજપના પણ નહીં. આજે અમે મહારાષ્ટ્રના લોકોને ઉદ્ધવ ઠાકરેથી મુક્તિ અપાવવા માટે હનુમાન ચાલીસાનું પઠન કરવા જઈ રહ્યા છીએ. મેં જેલમાં દરરોજ 101 વાર હનુમાન ચાલીસાનું પઠન કર્યું. હું નથી ઈચ્છતી કે કોઈ નિર્દોષ જેલમાં જાય. 

 

આપને જણાવી દઈએ કે, મુંબઈથી હનુમાન ચાલીસા પાઠ પર શરૂ થયેલી રાજનીતિ હવે દિલ્હીમાં આવી છે. નવનીત રાણા પોતાના પતિ સાથે અહીં આવી હતી અને ઉદ્ધવ ઠાકરે વિરુદ્ધ જોરશોરથી બોલ્યા હતા. આ અગાઉ રાણા દંપત્તિને 23 એપ્રિલના રોજ આઈપીસીની કલમ 153 એ અને 124 એ અંતર્ગત ધરપકડ કરવામાં આવ્યા હતા. રાણા દંપત્તિએ જાહેરાત કરી હતી કે, તે બાંદ્વામાં સીએમ ઉદ્ધવ ઠાકરેના ઘર બહાર હનુમાન ચાલીસાનું પઠન કરશે, જો આ કામ કરે તે પહેલા તેમની ધરપકડ કરવામાં આવી હતી. 

Hanuman Chalisa row MP navneet rana નવનીત રાણા રાણા દંપત્તિ હનુમાન ચાલીસા વિવાદ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ