ફિલ્મ નિર્દેશક હંસલ મહેતા પોતાની લોન્ગ ટર્મ પાર્ટનર સાથે 17 વર્ષ બાદ લગ્ન કરી લીધા છે. આ વાતની જાણકારી તેમણે પોતે ઈન્સ્ટાગ્રામ પોસ્ટ દ્વારા આપી છે.
હંસલ મહેતાએ લોન્ગટાઈમ પાર્ટનર સાથે કર્યા લગ્ન
17 વર્ષથી જાણતા હતા એક બીજાને
પોસ્ટશેર કરીને આપી જાણકારી
ફિલ્મ નિર્દેશક હંસલ મહેતા પોતાના પાર્ટનર સફીના હુસૈનની સાથે લગ્નના બંધનમાં બંધાઈ ગયા છે. તેમના લગ્નના સુંદર ફોટો સામે આવ્યા છે. બુઘવારે સવારે નિર્દેશકે સેલિબ્રેશનના અમુક ફોટો પોસ્ટ કર્યા અને પોતાના લગ્નની ન્યૂઝ બધાની સાથે શેર કર્યા.
17 વર્ષથી સાથે રહી રહ્યું હતું કપલ
પોતાના લગ્નના ફોટો પોસ્ટ કરતા તેમણે ખૂબ જ સુંદર અંદાજમાં પોતાની લવ સ્ટોરી શેર કરી. અહીં જણાવી દઈએ કે આ કપલ પાછલા 17 વર્ષથી સાથે રહી રહ્યું છે.
હંસલે ઈન્સ્ટાગ્રામ પર કરી પોસ્ટ
હંસલે ઈન્સ્ટાગ્રામ પર લખ્યું, "...17 વર્ષ બાદ, બે બાળકોની સાથે, પોતાના દિકરાને મોટો થતો જોઈ અને પોતાના સપનાનો પીછો કરતા અમે લગ્ન કરવાનો નિર્ણય કર્યો."
તેમણે લખ્યું- "જીવનમાં હંમેશાની જેમ આ પણ અચાનક અને અનિયોજીત હતું. જોકે અમારી પ્રતિજ્ઞાઓ સચ્ચી હતી અને આ નાનકડા ફંક્શન માટે તેમને ક્યારેય નહીં કહેવામાં આવ્યું હોય. આખરે પ્રેમ બીજા બધા પર હાવી થઈ જાય છે. અને તે છે.."
આ લુકમાં જોવા મળ્યા કપલ
ફોટોમાં હંસલ, બ્લેઝર અને ટી-શર્ટ પહેરીને ઉભા છે અને સફીના ગુલાબી ડ્રેસમાં છે. પોતાના પરિવારના સદસ્યોની સાથે પોઝ આપતા તેઓ જોવા મળી રહ્યા છે.
એક ફોટોમાં હંસલ એક દસ્તાવેજ પર સહી કરતા પણ જોવા મળી રહ્યા છે અને બીજા ફોટોમાં બન્નેને તેની સાથે પોઝ કરતા જોઈ શકાય છે.
ફિલ્મ ડાયરેક્ટર વિશાલ ભારદ્વાજ, અનુભવ સિન્હા, અભિનેતા રાજકુમાર રાવ, મનોજ બાજપેયી અને નિમિષા સજયન અને શેફ રણબીર બરાર, જેમને હંસલે હાલમાં જ મોડર્ન લવ મુંબઈમાં ડાયરેક્ટ કર્યું હતું તેમણે શુભકામનાઓ આપી હતી.