અમદાવાદમાં એક દીકરી બની પિતાની લાકડી. કેન્સરગ્રસ્ત પિતાના ઈલાજ માટે રીક્ષા ચલાવી. દીકરાની ઈચ્છાએ ભ્રુણ હત્યા કરતા લોકોની આંખો ખોલતો કિસ્સો છે. વિકલાંગ હોવા છતા દીકરીએ મા-બાપની જવાબદારી નિભાવી. આ દીકરી દરેક યુવતીઓ માટે આદર્શ બની છે.
વિકલાંગ હોવા છતા દીકરીએ મા-બાપની જવાબદારી નિભાવી
પિતાના કેન્સરના ઇલાજ માટે અને પરિવારની જરૂરિયાત માટે રીક્ષા આધાર બની
છેલ્લા છ માસથી અંકિતા રીક્ષા ચલાવીને પરિવારનુ ગુજરાન ચલાવી રહી છે
સામાન્ય રીતે એક યુવતી જયારે રીક્ષામાં પેસેન્જરને બેસાડીને લઈ જાય ત્યારે દરેક વ્યકિતને આશ્ચર્ય થાય છે. તેવુ જ આશ્ચર્ય અંકીતા શાહને રીક્ષા ચલાવતા જોઈને લોકોને થાય. લોકો સવાલ કરે છે કે કેમ રીક્ષા ચલાવો છે. જાણો ત્યારે અંકિતા શું આપે છે જવાબ...
ગ્રેજ્યુએટ હોવા છતાં નોકરી ન મળતા રીક્ષા ચલાવવાનો લીધો નિર્ણય
અંકિત વિકલાંગ છે. તે ઈકોનોમિક ગ્રેજ્યુએટ હોવા છતાં તેણે રીક્ષા ચલાવવાનો નિર્ણય લીધો છે. કારણ કે તેના પિતાને કેન્સર છે. માતા-પિતા અને અંકિતા સાબરમતીમાં ભાડે મકાનમાં રહે છે. રોજગારી માટે ખુબ જ પ્રયત્ન કર્યા પરંતુ વિકલાંગ હોવાથી નોકરી ના મળતા અંતે આ મહિલાએ રીક્ષા ચલાવવાનો નિર્ણય લીધો.
અંકિતાએ લોન પર રીક્ષા લઇને ચાર દિવસમાં રીક્ષા શીખી
છેલ્લા છ માસથી અંકિતા રીક્ષા ચલાવીને પરિવારનુ ગુજરાન ચલાવી રહી છે. શિક્ષિત હોવા છતાં તેણે રીક્ષા ચલાવવુ ખરાબ નથી લાગ્યુ. લોકોના સવાલો અનેક હોય પરંતુ તેની માટે તો પિતાની બીમારી અને પરિવારની જરૂરીયાત જ છે. તેનો આધાર હવે રીક્ષા બની છે. અંકિતાએ ચાર દિવસમાં રીક્ષા શીખી. લોન પર રીક્ષા ખરીદી. પિતાનો ઈલાજ, રીક્ષાનો હપ્તો, ઘરનું ભાડુ અને પરિવારની તમામ જરૂરીયાતની જવાબદારી તેની પર છે. તે હસતા-હસતા આ જવાબદારી ઉઠાવી રહી છે.
દીકરીને દીકરાથી કમ ના આંકવી
દીકરીના સાપનો ભાર સમજીને ભુર્ણ હત્યા કરનાર દરેક વ્યકિતએ આ દીકરીને જોઈને શીખ મેળવવી જોઈએ. દીકરો હોય કે દીકરી બન્ને સમાન છે. અંકિતા પોતાના મા-બાપની લાકડી બનીને પોતાની ફરજ બજાવી રહી છે. વિકલાંગ હોવા છતા તેણે કોઈની મદદ લીધી નથી. દીકરીઓ માટે આદર્શરૂપ બનતી અંકિતા શાહ દરેક મા-બાપને અપીલ કરી રહી છે કે દીકરીને ક્યારેય દીકરાથી કમ ના આકંવી...