કેન્દ્ર સરકાર રોડ સેફ્ટીને વધારવા માટે નવા નિયમો લાવી રહી છે. જેમાં બાઈકના નિયમોમાં પણ ફેરફાર કરાયા છે. હેન્ડહોલ્ડ અને સાડી ગાર્ડ લગાવવાનું કહેવાયું છે. બાઈક પર પાછળ કંટેનર રાખવાને લઈને પણ દિશા નિર્દેશ જાહેર કરવામાં આવ્યા છે.
સરકારે જાહેર કર્યા નવા નિયમ
ટૂવ્હીલરને લઈને કર્યા નિયમોમાં મોટા ફેરફાર
બાઈક ચાલકો માટે આવ્યા છે નવા આદેશ
કેન્દ્ર સરકાર વાહન સુરક્ષાને લઈને સતત કામ કરી રહી છે. આ કારણ છે કે કેટલાક નિયમોમાં ફેરફાર કર્યા છે. હાલમાં જ મંત્રાલયની નવી ગાઈડલાઈન બાઈકની સવારી કરનારા લોકો માટે આવ્યા છે. ગયા મહિને પણ એક ગાઈડલાઈન જાહેર કરાઈ હતી. તેમાં બાઈકના બંને તરફ ડ્રાઈવર સીટની પાછળ હેન્ડ હોલ્ડ લાગશે. તેનો હેતુ પાછળ બેઠેલા લોકોની સેફ્ટી રાખવાનો છે. મોટા ભાગના બાઈક્સમાં આ સુવિધા હોતી નથી. આ સાથે બાઈકની પાછળ બેસનારા માટે બંને તરફ પગનું સ્ટેન્ડ હોવું જરૂરી બનાવી દેવાયું છે.
ગાઈડલાઈનમાં કરાયો છે આ વાતનો ઉલ્લેખ
ગાઈડલાઈનમાં કહેવાયું છે કે બાઈકના પાછળના પૈડાની તરફ જમણી બાજુનો ઓછામાં ઓછો અડધો ભાગ સુરક્ષિત રીતે કવર થાય તે જરૂરી છે. પાછળ બેસનારા ના કપડાં પાછળના પૈડામાં ફસાય નહીં. હાલમાં જ સરકારે ટાયરને લઈને પણ નવી ગાઈડલાઈન જાહેર કરી છે. તેના આધારે વધારેમાં વધારે 3.5 ટન વજનના વાહનો માટે ટાયર પ્રેશર મોનિટરિંગ સિસ્ટમનું સૂચન કરાયું છે.
આ સિસ્ટમમાં સેન્સરની મદદથી ડ્રાઈવરને જાણકારી મળે છે કે ગાડીના ટાયરમાં હવાની સ્થિતિ શું છે. તેની સાથે મંત્રાલયે ટાયર રિપેર કીટની પ્રશંસા કરી છે. તેના લાગૂ થયા બાદ ગાડીમાં એકસ્ટ્રા ટાયરની જરૂર રહેશે નહીં.