અમદાવાદ / સાબરમતી આશ્રમથી કોચરબ આશ્રમ સુધી ચાલશે હાથ સે હાથ જોડો યાત્રા: કોંગ્રેસે કર્યું મોટું એલાન

• અમદાવાદમાં કોંગ્રેસની હાથ સે હાથ જોડો યાત્રા શરૂ થશે 
• 7 તારીખથી શરૂ થશે કોંગ્રેસની યાત્રા
• શહેર કોંગ્રેસના કાર્યકરો યાત્રામાં જોડાશે

કોંગ્રેસની ભારત જોડો યાત્રા પુરી થયા પછી 1 ફેબ્રુઆરીથી ‘હાથ સે હાથ જોડો’ યાત્રા શરૂ થઇ ચુકી છે. આ યાત્રામાં કોંગ્રેસ રાજ્યના દરેક ઘરમાં રાહુલ ગાંધીનો સંદેશો પહોંચાડશે. ‘ભારત જોડો યાત્રા’થી પ્રેરાઈને ગુજરાત પ્રદેશ કોંગ્રેસ સમિતિ ‘હાથ સે હાથ જોડો’ યાત્રા દ્વારા સૌ કોઈના હાથ સાથે હાથ મિલાવીને કોંગ્રેસ તેમની સાથે છે તેવી હૈયાધારણા અપાશે. અમદાવાદ શહેરમાં પણ કોંગ્રેસ સમિતિ ‘હાથ સે હાથ જોડો’ યાત્રા શરુ કરશે જેમાં ગાંધી આશ્રમથી સાબરમતી આશ્રમ સુધી આ યાત્રા ચાલશે. જેમાં પ્રદેશ કોંગ્રેસના નેતાઓ અને કાર્યકર્તાઓ પણ જોડાશે. આ અંગે અમદાવાદ કાર્યાલય ખાતે કોંગ્રેસે બેઠક યોજી છે

અમદાવાદમાં 7 તારીખથી હાથ સે હાથ જોડો યાત્રા શરૂ થશે
અમદાવાદ શહેરમાં કોંગ્રેસ સમિતિ ‘હાથ સે હાથ જોડો’ યાત્રા શરુ કરશે જેને લઈ અમદાવાદ કાર્યાલય ખાતે કોંગ્રેસે બેઠક યોજી છે જેમાં કોંગ્રેસના હોદ્દેદારો સહિત અનેક કાર્યકરો હાજર રહ્યાં છે આ અંગે કોંગ્રેસના ઉપપ્રમુખ બિમલ શાહનું નિવેદન સામે આવ્યું છે. તેમણે જણાવ્યું કે, અમદાવાદમાં 7 તારીખથી હાથ સે હાથ જોડો યાત્રા શરૂ થશે અને જે ગાંધી આશ્રમથી સાબરમતી આશ્રમ સુધી નીકળશે. બિમલ શાહે કહ્યું કે, અમદાવાદ શહેરના કોંગ્રેસના કાર્યકરો યાત્રામાં જોડાશે. ભારત જોડો યાત્રાની તર્જ પર 'હાથ સે હાથ જોડો યાત્રા'ની શરૂઆત થશે.

કોંગ્રેસ ઉપપ્રમુખ બિમલ શાહનું નિવેદન  
પેપરલીક મામલે કહ્યું કે, વિદ્યાર્થીઓ મહેનત કરી પરીક્ષા આપવા જાય છે અને ત્યાં જાય છે એટેલે ખબર પડે છે કે, પેપરફૂટી ગયું છે. પેપરલીકની આ ઘટના પહેલી નથી આવુ અનેક વાર થયું છે. તેમેણે સરકાર પર આક્ષેપ કરતા કહ્યું કે, તેમની સંસ્થાઓ ક્યાંકને ક્યાંક ઈનવોલ છે. તેમણે કહ્યું એમની જમીની સંસ્થાઓને તક આપવાનું કામ થયું હોય તેવું લાગી રહ્યું છે.

અગાઉ કોંગ્રેસ ગુજરાત જોડો યાત્રા વિશે જણાવ્યું હતું
અગાઉ ગુજરાત કોંગ્રેસે જણાવ્યું હતું કે,  ગુજરાતમાં કોંગ્રેસ ભારત જોડોની જેમ ગુજરાત જોડોનું આયોજન.  'હાથ સે હાથ જુડે' ના બેનર હેઠળ ફરી કોંગ્રેસનો બેઠા થવા પ્રયાસો હાથ ધર્યા છે. ગુજરાતમાં અંદાજિત 3 મહિના સુધી કોંગ્રેસનું હાથ સે હાથ જુડે' અભિયાન ચાલશે. કોગ્રેસનું દરેક તાલુકા પંચાયતની બેઠકથી લઇને વિધાનસભા બેઠક વિસ્તારમાં આવરી લેવાનું આયોજન છે.