ગેરકાયદે / AMCના એસ્ટેટ વિભાગે ઝીંક્યો હથોડો, કોર્પોરેટરની બહેને BU પરમીશન વગર જ ઉભી કરી દીધી હતી શાળા, અંતે ધ્વસ્ત

• મહાપાલિકાની કોર્પોરેટર પર જ કાર્યવાહી 
• કુબેરનગરમાં ગેરકાયદે બાંધકામ પર હથોડા 
• કામગીરી અવરોધવા પણ થયો પ્રયાસ 

મહા પાલિકાના નગર સેવક થયા એટલે કોઈ વાળ પણ વાંકો ના કરી શકે તેવા કેફમાં રાચતા એક નગર સેવકના ગેરકાયદે બાંધકામ પર મહા પાલિકાનો હથોડો વિંઝાતા, કોર્પોરેટરના હોંશ-કોંશ ઉડી ગયા હતા. કઈ -કેટલાય ફોન ઘુમાવ્યા બાદ પણ મહા પાલિકાની કાર્યવાહી પોલીસ રક્ષણ હેઠળ ચાલતી રહી હતી. જો કે, કામગીરીમાં વિક્ષેપ પાડવા પણ પ્રયાસ થયા હોવાનું કહેવાય છે. મહા પાલિકાના એસ્ટેટ વિભાગે કુબેર નગરના NCP કોર્પોરેટર નીકુલ સિંહ  તોમરના ગેરકાયદે બાંધકામ પર હથોડા વીંઝ્યા હતા. 

.
મેઘાણીનગર ખાતે આવેલ પ્રિ DPS સ્કૂલ પર ડિમોલેશન એસ્ટેટ વિભાગ દ્વારા કરવામાં આવ્યું . બી યુ પરમીશન વગર જ આ સ્કૂલ ઉભી કરી દેવામાં આવી હતી .કોર્પોરેટરના બહેન  દ્રારા જ ગેયકાયદે દબાણ કરાયા હોવાની ફરિયાદ કરાઈ હતી અને ત્યાર બાદ એસ્ટેટ વિભાગ દ્વારા કાર્યવાહી કરવામાં આવી ..આ ગેરકાયદે સ્કૂલ  કોર્પોરેટર ના કાકા અને પૂર્વ સ્ટેન્ડિંગ ચેરમેન કિશનસિંહ તોમર ના નામે છે. કોર્પોરેટર દ્વારા મનપા ની કામગીરી રોકવા પણ પ્રયાસ કરવામાં આવ્યો હતો પરંતુ પોલીસ પ્રોટેક્શન સાથે મનપા દ્વારા કામગીરી કરવામાં આવી હતી.