મુંબઇ / કોરોનાની અસર: ફિલ્મ, સિરીયલો અને વેબ સિરીઝનું શૂટિંગ બંધ રાખવાનો લીધો નિર્ણય

• કોરોનાની અસર 
• ફિલ્મ, સિરીયલો અને વેબ સિરીઝનું શૂટિંગ બંધ રાખવાનો લીધો નિર્ણય 
• 31 માર્ચ રહેશે બંધ

આપને જણાવી દઇએ કે, કોરોના વાયરસનો ચેપ ભારતમાં બીજા તબક્કામાં છે અને તે ત્રીજા તબક્કા સુધી પહોંચતા અટકાવવા માટે મહારાષ્ટ્રમાં શાળાઓ, સિનેમાઘરો, થિયેટરો, શોપિંગ મોલ અને સ્પોર્ટસ સંકુલ પહેલાથી જ બંધ કરી દેવામાં આવ્યા છે.

એસોસિએશન દ્વારા લેવાયો નિર્ણય 

ઇન્ડિયન મોશન પિક્ચર્સ પ્રોડ્યૂસર્સ, વેસ્ટર્સ ઇન્ડિયા ફિલ્મ પ્રોડ્યૂસર્સ એસોસિએશન, ઇન્ડિયન ફિલ્મ એન્ડ ટીવી પ્રોડ્યૂસર્સ કાઉન્સિલ, ઇન્ડિયન ફિલ્મ એન્ડ ટીવી ડાયરેક્ટર્સ એસોસિએશન અને ફેડરેશન ઓફ વેસ્ટર્ન ઇન્ડિયા સિને એમપ્લાઇઝની રવિવારે મુંબઇમાં યોજાયેલી સંયુક્ત બેઠકમાં કોરોના વાયરસનો ભારતમાં સતત વધારો થઇ રહ્યો છે. ત્યારે ફિલ્મ જગત દ્વારા પણ શૂટિંગ બંધ રાખવાનો નિર્ણય કરવામાં આવ્યો છે. 

19 માર્ચથી તમામ પ્રકારની ફિલ્મો, સિરીયલો અને વેબ સિરીઝનું શૂટિંગ બંધ

આ બેઠકમાં સર્વસંમતિથી નિર્ણય લેવામાં આવ્યો હતો કે 19 માર્ચથી તમામ પ્રકારની ફિલ્મો, સિરીયલો અને વેબ સિરીઝનું શૂટિંગ સંપૂર્ણપણે બંધ કરવામાં આવશે. આ સમયગાળા દરમિયાન, કોઈ પણ કલાકાર, કારીગર, નિર્માતા અથવા નિર્દેશક બંધ સ્ટુડિયોમાં અથવા ખુલ્લા સ્થળે કોઈપણ પ્રકારનું શૂટિંગ કરશે નહીં. સોમવારથી બુધવાર સુધીનો સમય આ લોકોને તેમના વર્તમાન કાર્યને આવરી લેવા માટે આપવામાં આવ્યો છે અને એમ પણ કહેવામાં આવ્યું છે કે આ દરમિયાન પણ સરકારે સૂચવેલા તમામ આરોગ્ય સૂચનોનું શૂટિંગ સ્થળ પર પાલન કરવું જોઈએ.

31 માર્ચ સુધી શૂટિંગ રહેશે બંધ

હિન્દી સિનેમામાં સાથે મળીને શૂટિંગ કરવાનું બંધ કરવાનો આ નિર્ણય 31 માર્ચ સુધી ચાલુ રહેશે. આ તમામ સંગઠનો 30 માર્ચે ફરી એક સંયુક્ત બેઠક કરશે. આ બેઠકમાં 1 એપ્રિલથી શૂટિંગ શરૂ કરવાનું છે કે નહીં તે અંગે નિર્ણય લેવામાં આવશે. બેઠક બાદ તમામ સંગઠનો દ્વારા એક સંયુક્ત નિવેદન પણ બહાર પાડવામાં આવ્યું છે.

અભિનેતા રિતિક રોશને USમાં કોન્સર્ટ રદ્દ કરી 

આપને જણાવી દઇએ કે, કોરોના વાયરસની અસર સમગ્ર વિશ્વમાં જોવા મળી છે. આ વાયરસના કારણે મનોરંજન જગત પર મોટાપાયે અસર જોવા મળી છે. હોલીવુડથી લઇને બોલીવુડ સુધીની ફિલ્મોને હાલ રિલીઝ કરવામાં આવશે નહીં. આ સાથે કેટલાય કાર્યક્રમો બંધ રદ્દ કરવામાં આવ્યા છે. અભિનેતા રિતિક રોશને યુ.એસ.માં તેની નવ દિવસીય કોન્સર્ટ પણ રદ કરી દીધી છે.