Halol's shocking incident: A young man who had come for a birthday celebration was mistreated by a young man at a restaurant after drinking caffeine in a pizza.
છેલ્લા દોઢ મહિનામાં રાજ્યના અલગ-અલગ વિસ્તારોમાં દુષ્કર્મ બનાવો વધ્યા છે.તે એક સામાજિક ચિંતા તો છે જ સાથોસાથ ચિંતન પણ. વડોદરામાં જ લગભગ ચાર કે તેથી વધુ દુષ્કર્મની ફરિયાદ
પંચમહાલના હાલોલની યુવતી પર દુષ્કર્મ
જન્મદિવસની ઉજવણી બાદ દુષ્કર્મ
મિત્રે પણ બ્લેક મેલ કરી આચર્યું કુકર્મ
મસમોટા દાવા ગુજરાત સરકારે કરે છે કે ગુજરાતમાં દિકરીઓ સુરક્ષિત છે પરંતુ વાસ્તિવકતા કંઇક અલગ જ છે. છેલ્લા દોઢ મહિનામાં રાજ્યના આલગ-અલગ વિસ્તારોમાં દુષ્કર્મ અને આત્મહત્યાના બનાવો વધ્યા છે.તે એક સામાજિક ચિંતા તો છે જ સાથોસાથ ચિંતન પણ. વડોદરામાં જ તાજેતરમાં લગભગ ચાર કે તેથી વધુ દુષ્કર્મની ફરિયાદ નોંધાઈ છે. નવસારીની યુવતી પર થયેલા અત્યાચારની ઘટના હજુ વણઉકેલી રહી છે.ત્યાં જ વધુ એક યુવતી પર દુષ્કર્મ થયાનો કેસ નોંધાયો છે.પોલીસે હાલોલના આરોપીને ઝડપી લઇ જેલ હવાલે કર્યા છે
ગુજરાતમાં વધુ એક દુષ્કર્મની ઘટના હાલોલમાં ઘટી છે. હાલોલની 16 વર્ષીય કિશોરી સહિત 6 યુવક-યુવતી બર્થ ડે સેલિબ્રેશન માટે વડોદરાના સમામાં આવેલા પિત્ઝા રેસ્ટોન્ટમાં આવ્યાં હતાં. જ્યાં પિત્ઝા સાથે કેફી પીણું પીવડાવ્યા બાદ રેસ્ટોરન્ટ ચલાવતા યુવકે હરણી પાસેની હોટલમાં લઈ જઈ કિશોરી સાથે દુષ્કર્મ કર્યું હતું. એ પછી યુવકે કારમાં પરત જતી વખતે દાવડા પાસે કારમાં કિશોરી પર દુષ્કર્મ ગુજાર્યું હતું. વડોદરાના હાર્દિક પંચાલે ફરીથી ફોન પર બ્લેકમેલ કરી સગીરાને બોલાવી દુષ્કર્મ આચરી ભાડાના રૂપિયા આપી આરોપી ભાગી ગયો હતો.. આખરે કિશોરીએ પરિવારના સભ્યોને વાત કરતા પરિવારે હિંમત આપી અને સગીરાએ પોલીસમાં ફરિયાદ નોંધાવી. પોલીસે બંને આરોપીની ધરપકડ કરી જેલના સળીયા પાછળ ધકેલ્યા છે. પોલીસે અપહરણ, જાનથી મારી નાખવાની ધમકી, પોક્સો સહિતના ગુનો નોંધી તપાસ હાથ ધરી. સગીરાના હોસ્પિટલ મેડિકલ ચેક અપ માટે મોકલવામાં આવી હતી