HALએ 120 પદોની ભરતી માટે નોટિફિકેશન જાહેર કર્યું છે. જેના માટે 10મું પાસ ઉમેદવારો 9 સપ્ટેમ્બર સુધી HALની સત્તાવાર વેબસાઇટ પર જઇને ઓનલાઇન અરજી કરી શકે છે.
સરકારી નોકરી કરવી હોય તો તમારા માટે ખાસ સમાચાર
હિન્દુસ્તાન એરોનોટિક્સ લિમિટેડ 120 પદોની ભરતી બહાર પાડી
10 ધોરણ પાસ ઉમેદવારો આ અરજી માટે ફોર્મ ભરી શકશે
સરકારી નોકરીની તૈયારી કરી રહેલા યુવાનો માટે સારા સમાચાર છે. હિન્દુસ્તાન એરોનોટિક્સ લિમિટેડ (HAL)એ 120 પદોની ભરતી માટે નોટિફિકેશન જાહેર કર્યું છે. જેના માટે 10મું પાસ ઉમેદવારો 9 સપ્ટેમ્બર સુધી એચએએલની સત્તાવાર વેબસાઇટ hal-india.co.in જઇને ઓનલાઇન અરજી કરી શકે છે. ઉમેદવારોની પસંદગી મેરિટના આધારે કરવામાં આવશે.
યોગ્યતા
ઉમેદવારોએ કોઈપણ માન્ય બોર્ડ અથવા સંસ્થામાંથી 60% ગુણ સાથે ધોરણ 10 માં પાસ કરેલા હોવા જોઈએ.
વય મર્યાદા
ભરતી પ્રક્રિયામાં જોડાવા માટે ઉમેદવારોની વયમર્યાદા 01-10-2022ની સ્થિતિએ 15 થી 18 વર્ષની વચ્ચે હોવી જોઈએ.
પસંદગી પ્રક્રિયા
ઉમેદવારોની પસંદગી 120 પોસ્ટ્સ માટે દસ્તાવેજ ચકાસણીના આધારે કરવામાં આવશે. આથી સપ્ટેમ્બર મહિનામાં શોર્ટલિસ્ટ થયેલા ઉમેદવારની જાહેરાત કરવામાં આવશે. જો કે, જો જરૂર પડે, તો ઉમેદવારની પસંદગી લેખિત પરીક્ષા અથવા ઇન્ટરવ્યુના આધારે કરી શકાય છે.
કેવી રીતે કરશો અરજી
- ઉમેદવારોએ પહેલા www.apprenticeshipindia.org પર પોતાને નોંધણી કરાવવી પડશે અને ત્યાં ઉનીક નંબર મળશે
- હવે www.hal-india.co.in HALની વેબસાઈટ પર જઈને 'કરિયર્સ' સેક્શન પર ક્લિક કરો.
- આ પછી, ભરતી સંબંધિત લિંકની સામે ક્લિક કરો અને પછી ગૂગલ ફોર્મની લિંક પર ક્લિક કરો.
- હવે માંગેલી માહિતી દાખલ કર્યા પછી, દસ્તાવેજો અપલોડ કરો અને સબમિટ બટન પર ક્લિક કરો.
- ઉમેદવારોએ બધી માહિતી દાખલ કર્યા પછી એપ્લિકેશન ફોર્મ ડાઉનલોડ કરવું.
- હવે તમારા એપ્લિકેશન ફોર્મની પ્રિન્ટ આઉટ કાઢી લો.