મહારાષ્ટ્ર ATS એ જણાવ્યું હતું કે ધરપકડ કરાયેલ કર્મચારી HAL નાસિકમાં ભારતીય લડાકુ વિમાનો અને તેમના પ્રોડક્શન યુનિટ વિશેની માહિતી સપ્લાય કરતો હતો.
HAL ના અધિકારી ની મહારાષ્ટ્ર ATS દ્વારા ધરપકડ કરાઇ
HAL અધિકારી ભારતે બનાવેલા વિમાનો વિશે માહિતી કરતો હતો સપ્લાય
ક્લાસિફાઈડ માહિતી મોકલતો હોવાનો દાવો, ઓફિશિયલ સિક્રેટ એક્ટ હેઠળ ફરિયાદ દાખલ
સરકાર સંચાલિત હિન્દુસ્તાન એરોનોટિક્સ લિમિટેડ HAL નાસિકના કર્મચારીને પાકિસ્તાન માટે જાસૂસી કરવાના આરોપમાં એન્ટિ ટેરરિસ્ટ સ્કવોડ ( ATS ) દ્વારા ધરપકડ કરવામાં આવી છે. HAL કર્મચારીની ધરપકડ પાકિસ્તાનની જાસૂસી એજન્સી, ઇન્ટર-સર્વિસિસ ઇન્ટેલિજન્સ ISI ને ગુપ્ત માહિતી પૂરી પાડવાના આરોપમાં મહારાષ્ટ્ર ATS ના નાસિક યુનિટ દ્વારા કરવામાં આવી હતી.
મહારાષ્ટ્ર ATS ને મળી હતી માહિતી
મહારાષ્ટ્ર ATS એ જણાવ્યું હતું કે ધરપકડ કરાયેલ કર્મચારી ભારતીય લડાકુ વિમાન અને તેમના ઉત્પાદક યુનિટ નાસિકના HAL પર માહિતી પૂરી પાડતો હતો.
રિપોર્ટ પ્રમાણે મહારાષ્ટ્ર ATS ના નાસિક યુનિટને એક વિદેશી વ્યક્તિને નાસિકમાં HAL ભારતીય લડાકુ વિમાન વિશેની ગુપ્ત માહિતીની સપ્લાય કરવા વિશે એક વ્યક્તિની બાતમી મળી હતી.
ATS ને વ્યક્તિ વિશે મળી હતી બાતમી : સૂત્રો
સૂત્રોએ જણાવ્યું હતું કે ધરપકડ કરાયેલ આરોપીએ પુછપરછ દરમિયાન તેણે ખુલાસો કર્યો છે કે તે ISI સાથે સતત સંપર્કમાં હતો અને તેના એજન્ટોને ક્લાસિફાઈડ માહિતી સપ્લાય કરતો હતો.સાથે સૂત્રોએ એમ પણ માહિતી આપી હતી કે રાજ્યની એન્ટિ ટેરરિસ્ટ સ્કવોડ ATS ના નાસિક યુનિટને ISI સાથે સતત સંપર્કમાં રહેલા આ વ્યક્તિ વિશે વિશ્વસનીય બાતમી મળી હતી.
One HAL employee arrested by Nashik Unit of ATS for supplying secret information about Indian fighter aircraft & their manufacturing unit, Hindustan Aeronautics Ltd, Nashik to Inter-Services Intelligence (ISI), a Pakistani intelligence agency: Anti Terrorist Squad. #Maharashtra
HAL અને તેના વિમાન નિર્માણના એકમ, નાસિકના ઓઝાર ખાતેની સંવેદનશીલ વિગતોને લગતી માહિતી આ આરોપી કથિત રીતે પાકિસ્તાની ISI એજન્સીને મોકલતો હતો. એરબેઝ અને મેન્યુફેક્ચરિંગ યુનિટની અંદરના પ્રતિબંધિત વિસ્તારો વિશેની માહિતી પણ પૂરી પાડી હતી.
ઓફિશિયલ સિક્રેટ એક્ટ હેઠળ દાખલ થઈ ફરિયાદ
ATS એ ઓફિશિયલ સિક્રેટ્સ એક્ટ, 1923 ની કલમ 3, 4 અને 5 હેઠળ ગુનો નોંધ્યો છે. આરોપી વ્યક્તિ પાસેથી ત્રણ મોબાઇલ હેન્ડસેટ પાંચ સીમકાર્ડ અને બે મેમરી કાર્ડ સાથે કબજે કરવામાં આવ્યા છે. ઝડપાયેલી વસ્તુઓ ફોરેન્સિક તપાસ માટે પ્રયોગશાળામાં મોકલવામાં આવી છે.
આરોપીને શુક્રવારે કોર્ટમાં રજૂ કરવામાં આવ્યો હતો અને તેને 10 દિવસની પોલીસ કસ્ટડીમાં મોકલવામાં આવ્યો હતો.