સેના માટે લડાકુ હેલિકોપ્ટર બનાવશે HAL. HLAએ ભારતીય સેના માટે યુદ્ધ હેલિકોપ્ટર બનાવવાના મેગા પ્રોજેક્ટ પર કામ શરૂ કરી દીધુ છે. 10 થી 12 ટનના આ હેલિકોપ્ટર દુનિયાના સૌથી સારા હેલિકોપ્ટર બોઇંગ અને અપાચે જેવા જ આધિનિક અને શક્તિશાળી હશે.
HAL બનાવશે સેના માટે લડાકુ હેલિકોપ્ટર
2027 સુધીમાં પ્રથમ લડાકુ હેલિકોપ્ટર બનાવવાનો પ્લાન
હેલિકોપ્ટર બનાવવા માટેની તૈયારીઓ શરૂ કરાઇ
HLAના પ્રમુખ આર માધવને જણાવ્યું કે જમીની સ્તર પર કામ શરૂ કરી દેવામાં આવ્યું છે અને 2027 સુધી આ હેલિકોપ્ટર તૈયાર કરી દેવામાં આવશે. માધવને કહ્યું કે આ મેગા પ્રોજેક્ટનો હેતુ આગામી સમયમાં સેનાના ત્રણ અંગો માટે 4 લાખ કરોડ રૂપિયાના સૈન્ય હેલિકોપ્ટરની આયાત રોકવાનો છે.
આ વર્ષે જ આ પ્રોજેક્ટને મળશે મંજૂરી
આ સાથે જ દાવો કર્યો કે HLAએ પ્રારંભિક ડિઝાઇન તૈયાર કરી લીધી છે અને આ પ્લાન 500 હેલિકોપ્ટર બનાવવાનો છે. જો સરકાર આ વર્ષે જ આ પ્રોજેક્ટને મંજૂરી આપી દેશે તો આગામી 2023 સુધી પ્રોટોટાઇપ તૈયાર થઇ જશે. હેલિકોપ્ટરની ડિઝાઇન, પ્રોટોટાઇપ અને ઉત્પાદન પાછળ 9 હજાર 600 કરોડનો ખર્ચ થશે.
અપાચે જેવા હેલિકોપ્ટર
માધવને સૂચિત પ્રોજેક્ટ વિશે જણાવ્યું હતું કે 'અમે પ્રાથમિક ડિઝાઇન પર કામ કર્યું છે. અમે એરફોર્સ અને નેવી સાથે પણ ચર્ચા કરી છે. 10 થી 12 ટનના હેલિકોપ્ટરમાં બે મૂળભૂત બંધારણો હશે. નૌકાદળ માટે બનાવવામાં આવેલા હેલિકોપ્ટરનું કદ આર્મી અને એરફોર્સ કરતા અલગ હશે. "તેમણે ધ્રુવ પ્લેટફોર્મ પરથી લાઇટ કોમ્બેટ હેલિકોપ્ટર (એલસીએચ) વિકસાવ્યું, તે જ રીતે 10-12 ટન રેન્જમાં જે હેલિકોપ્ટર બનાવાશે તે અપાચે હેલિકોપ્ટરની બરાબર હશે.
હેલિકોપ્ટરમાં બે એન્જિન હશે
માધવને જણાવ્યું હતું કે હેલિકોપ્ટરમાં બે એન્જિન હશે અને તે જહાજ પર તેનું સંચાલન કરવા માટે હેલિકોપ્ટરના બ્લેડને વળાંક લેવાની સુવિધા હશે. યોજના મુજબ આ હેલિકોપ્ટરની હવાઈ હુમલો, પરિવહન, યુદ્ધ દરમિયાન વ્યૂહરચના મદદ, દુશ્મનોની શોધ અને બચાવ કામગીરીમાં ભૂમિકા હશે. હેલિકોપ્ટર ઘણા આધુનિક હથિયાર સિસ્ટમોથી સજ્જ હશે. ”એએચએલના વડાએ કહ્યું કે હેલિકોપ્ટરની નિકાસની ઘણી સંભાવનાઓ છે.