વાળની સુંદરતા એ તમારા દેખાવ માટે ખૂબ જરૂરી છે. અનેક લોકોને વાળ ખરવાની, વાળ કાળા ન રહેવાની અને સાથે જ તેની ચમક ખોવાઈ જવાની સમસ્યા રહે છે. વાળની સમસ્યાઓ માટે અનેક નાના મોટા કારણો જવાબદાર છે. પરંતુ જો તમે આ 1 મિશ્રણ ઘરે બનાવી લો છો તો તમને અનેક ફાયદા થઈ શકે છે.
ઘરે બનાવો આ 1 મિશ્રણ
3 ચીજના ઉપયોગથી કરો વાળની માવજત
વાળનો વધશે ગ્રોથ
વાળમાં તેલ ન નાંખવાના કારણે, વાળને ટાઈટ બાંધી રાખવાના કારણે કે પછી માનસિક ચિંતાના કારણે પણ વાળ ખરવાની કે તૂટવાની સમસ્યાઓ સર્જાય છે. જો તમે તમારા વાળનો ગ્રોથ વધારવાની સાથે તેને કાળા પણ રાખવા ઈચ્છો છો તો તમે આ 1 મિશ્રણનો ઉપયોગ કરી શકો છો. તે તમારા વાળને સુંદર બનાવવામાં તમારી મદદ કરશે.
મિશ્રણના ફાયદા
વેસેલીન વાળને હાઈડ્રેટ કરે છે.
વાળને કુદરતી રીતે મોઈશ્ચુરાઈઝ્ડ કરીને ચમક આપે છે
વિટામીન ઈથી વાળને જરૂરી પોષક તત્વો મળે છે
અલોવેરા જેલ વાળને સિલ્કી બનાવે છે અને વાળનો ગ્રોથ વધારે છે.
આ રીતે તૈયાર કરો મિશ્રણ
સામગ્રી
વેસેલીન
અલોવેરા જેલ
વિટામીન ઈ કેપ્સૂલ
રીત
સૌ પહેલાં એક વાટકીમાં 1 ચમચી વેસેલીન લો.
ગરમ પાણીથી ભરેલો વાટકો લો અને તેમાં આ વાટકી રાખીને વેસેલીનને પીગળાવો.
હવે તેમાં 1 ચમચી અલોવેરા જેલ, વિટામીન ઈની કેપ્સૂલ ઉમેરો.
મિશ્રણને હલાવો, હવે તે પાછું વેસેલીન જેવું બનશે.
રાતે સૂતા પહેલાં આ મિશ્રણને વાળમાં લગાવો. આખી રાત વાળમાં તેને રહેવા દો. સવારે કોઈ હર્બલ શેમ્પૂથી વાળ ધોઈ લો. અઠવાડિયે 1 વાર આ કામ કરો. 2-3 વારના પ્રયોગથી વાળમાં ફરક જોવા મળશે.