ટિપ્સ / માથુ ધોવો ત્યારે બાથરુમ તમારા વાળથી ભરાઇ જાય છે ? જો હા, તો આ ઘરગથ્થુ ઉપચાર તમારા માટે જ છે

• હેરફોલને રોકવા અપનાવો ચોખાનો લોટ
• ચોખાના લોટથી વાળની દરેક સમસ્યાનો ઉકેલ
• ઘરે જ બનાવો હર્બલ હેરમાસ્ક 

કોઇ વ્યક્તિ એવુ નહી હોય કે જેના માથાના વાળ ન ખરતા હોય.  દરેક વ્યક્તિ વાળ ખરવાની બૂમો પાડતી જ હોય છે. વાળ ખરવુ એ કુદરતી પ્રક્રિયા છે. પરંતુ શરીરમાં કેટલાક વિટામિન્સની ઉણપને કારણે પણ વાળ ખરતા હોય છે. સારા ખોરાકની સાથે સારી ઉંઘ પણ એટલી જ જરુરી છે.  વાળને કુદરતી પોષણ મળી રહે તે માટે સારુ ડાયટ લેવુ આવશ્યક છે. તો કેટલાક ઘરગથ્થુ ઉપચાર પણ છે જે તમારા માથાના વાળ ખરતા રોકી શકે છે. 

ચોખાનો લોટ છે બેસ્ટ ઉપાય
તમે સાંભળ્યુ હશે કે ચોખાના પાણીથી વાળ ધોવાનું કહેવામાં આવે છે. વાળના સ્કાલ્પમાં  ચોખાના પાણીનો સ્પ્રે કરવાથી વાળને પોષણ મળે છે. તેવી જ રીતે ચોખાનો લોટ પણ એટલો જ ગુણકારી છે. ચોખાના લોટનો હેર માસ્ક તરીકે ઉપયોગ કરીએ તો ઘણી બધી વાળની સમસ્યાથી છૂટકારો મળે છે. ત્યારે વાત કરીએ આજે વાત કરીએ ચોખાના લોટમાંથીબનતા હેર માસ્ક વિશે.

ડ્રાય હેરમાં આવશે ચમક

ચોખામાં એમિનો એસિડ હોય છે, જે વાળને પોષણ આપવાનું કામ કરે છે. ખરતા અને ડ્રાય હેરથી છુટકારો મેળવવા માટે તમે ચોખાના લોટનો  હેર પેક તૈયાર કરી શકો છો.  આ માટે તમારે જોઇશે 

• ચોખાનો લોટ - 2 ચમચી
• એલોવેરા જેલ - 1 ચમચી
• નાળિયેરનું તેલ - 1 ચમચી

હેર પેક કેવી રીતે બનાવશો

હેર પેક બનાવવા માટે આ ત્રણેય વસ્તુને એક બાઉલમાં મિક્સ કરો. જો તમે ઇચ્છો તો, તમે તમારા વાળની ​​લંબાઈ અનુસાર આ ત્રણેય વસ્તુ વધારી અથવા ઘટાડી શકો છો.હવે તેને તમારા વાળમાં લગાવો અને લગભગ 45 મિનિટ સુધી રહેવા દો. ત્યાર બાદ વાળને શેમ્પૂથી ધોઈ લો. જો તમે કંડીશનર લગાવી રહ્યા છો તો તેને લાંબા સમય સુધી લગાવવાની જરૂર નથી. થોડા સમય પછી તમારા વાળ ધોઈ લો. અઠવાડિયામાં એકવાર આ હેર પેક લગાવો. તમારા હેરમાં શાઇનિંગ આવશે અને ડ્રાયનેસ ગાયબ થઇ જશે.

ખોડો થશે દૂર

ડેન્ડ્રફની સમસ્યા બહુ જૂની છે, આમાં વાળ ડ્રાય અને ઓઈલી પણ હોય છે. ઓઇલી ડેન્ડ્રફ હંમેશા સ્કૈલ્પની ઉપરની સ્કિનના છિદ્રો બંધ કરી દે છે. જેના કારણે વાળને પોષણ મળતુ નથી. જો તમે ઓઇલી  ડેન્ડ્રફથી રાહત મેળવવા માંગતા હોવ તો ચોખાના લોટમાં મુલતાની માટી અને લીંબુના થોડા ટીપાં મિક્સ કરીને લગાવો. તેને 30 મિનિટથી 45 મિનિટ સુધી રાખ્યા બાદ હળવા શેમ્પૂની મદદથી વાળ ધોઈ લો. વાળને સ્વસ્થ રાખવા માટે અઠવાડિયામાં બે વાર આ હેર માસ્કનો ઉપયોગ કરો.

હેર ફોલ કરતા આવી રીતે રોકો

વાળને પોષણ આપવા ઉપરાંત ચોખાના લોટમાં રહેલા ગુણો વાળ ખરવાની સમસ્યાને રોકવામાં પણ મદદ કરે છે. મેથીના દાણા અને કેળાને મિક્સ કરીને વાળમાં લગાવામાં આવે તો બમણો ફાયદો થાય છે.

• ચોખાનો લોટ - 2 ચમચી
• બનાના - અડધા
• પલાળેલી મેથી - દોઢ ચમચી
• હેર માસ્ક કેવી રીતે બનાવવો

આ માટે તમે સાદા ચોખાનો લોટ અથવા પલાળેલા ચોખા બંનેનો ઉપયોગ કરી શકો છો. ત્રણેય વસ્તુઓને મિક્સરમાં મિક્સ કરીને પેસ્ટ બનાવો.
પેસ્ટ બની ગયા પછી તેને તમારા વાળમાં લગાવો અને પછી તેને 45 મિનિટ સુધી રહેવા દો. તે પછી તમારા મનપસંદ શેમ્પૂથી વાળ ધોઈ લો.
તમને જણાવી દઈએ કે આ હેર માસ્કથી તમને 3 થી 4 વાર ફરક દેખાવા લાગશે. ઉપરાંત, તે વાળને મજબૂત અને ચમકદાર બનાવે છે.