Hair Care / વધારે પડતો હેર કન્ડિશનરનો ઉપયોગ કરતા હોવ તો ચેતી જજો! વાળ પર થાય છે ઉંધી અસર

• વાળમાં ન કરો ઓવર કન્ડિશનર 
• ઓવર કન્ડિશનરથી વાળ થાય છે ખરાબ 
• જાણો તેનાથી કઈ રીતે બચી શકશો

ઉનાળાની ઋતુમાં વાળની ​​ખાસ કાળજી લેવી જરૂરી છે. હકીકતે જ્યારે વધારે પડતો પરસેવો થાય છે. ત્યારે આપણે તેને સાફ કરવા માટે દરરોજ શેમ્પૂનો ઉપયોગ કરવાનું શરૂ કરીએ છીએ. આના કારણે વાળનું કુદરતી ઓઈલ ઓછું થવા લાગે છે અને વાળ ડ્રાય અને ફ્રઝી થવા લાગે છે. 

આવી સ્થિતિમાં ઘણી વખત આપણે વાળને પ્રી અથવા પોસ્ટ કન્ડીશનીંગ કરવાનું વધુ સારું સમજીએ છીએ. વાળને કન્ડિશન કરવું ખૂબ જ મહત્વપૂર્ણ છે, પરંતુ જો તમે વાળમાં ઓવર-કન્ડિશનિંગનો ઉપયોગ કરી રહ્યાં છો તો તે અન્ય પ્રકારની સમસ્યાઓ ઉભી કરી શકે છે.

ઓવર કન્ડિશનરના લક્ષણો
વાળમાં વધુ પડતા કંડીશનરનો ઉપયોગ કરવાથી વાળ ખૂબ જ ચીકણા થઈ જાય છે. વાળનો વોલ્યુમ ઘટે છે અને વાળ ભારે થવાને કારણે હેર સ્ટાઇલ કરવી મુશ્કેલ બની જાય છે. વધુ પડતા કંડીશનરનો ઉપયોગ કરવાથી વાળનું મેનેજમેન્ટ કરવું ખૂબ જ મુશ્કેલ બને છે અને તે ખૂબ જ ચીકણા દેખાય છે.

કન્ડિશનર માટે યોગ્ય રીત 

• જ્યારે પણ તમે તમારા વાળને શેમ્પૂ કરો ત્યારે દર વખતે તેને કન્ડિશનર કરો.
• કન્ડિશનરને એકથી બે મિનિટ માટે વાળમાં રહેવા દો.
• લાંબા સમય સુધી વાળમાં રહેવાથી વાળ તૈલી થઈ શકે છે.
• કન્ડિશનર વાળ પર લગાવો માથાની ચામડી પર નહીં.

ઓવર કન્ડિશનરથી વાળ કેવી રીતે બચાવવા

• જો વાળમાં વધારાનું કન્ડિશનર લગાવવામાં આવ્યું હોય અને સુકાઈ ગયા પછી વાળ ચીકણા દેખાય તો ત્યાં ડ્રાય શેમ્પૂનો ઉપયોગ કરી શકાય.
• મહિનામાં એકવાર તમારા વાળને એપલ સાઇડર વિનેગરથી ધોઈ લો. આ માટે અડધા કપ એપલ સાઇડર વિનેગરમાં 3 કપ પાણી મિક્સ કરો અને તેનાથી વાળ ધોઈ લો.
• વાળમાં વોલ્યુમ પાછું લાવવા માટે તમે પ્રોટીન ટ્રીટમેન્ટ કરી શકો છો. આ વાળમાં વોલ્યુમ પાછું લાવી શકે છે.
• જો ઓવર કન્ડિશનરને કારણે વાળ ચીકણા લાગતા હોય તો એક મગમાં પાણી અને લીંબુ નિચોવીને તેનાથી ભીના વાળ ધોઈ લો. પછી સાફ કરો. વાળ ફ્રેશ દેખાશે.