પાકિસ્તાનની એન્ટી ટેરર કોર્ટે મુંબઈ આતંકી હુમલાના માસ્ટરમાઈન્ડ અને આતંકવાદી હાફિઝ મોહમ્મદ સઈદને ટેરર ફાઈનાન્શિંગને લઈને 31 વર્ષની જેલની સજા ફટકારી છે. આતંકી સંગઠન લશ્કરે તૈયબાના ફાઉંડર હાફિઝ સઈદ પર કોર્ટે 3.4 લાખ રૂપિયાનો દંડ પણ ફટકાર્યો છે. તેની સાથે જ હાફિઝ સઈદની તમામ સંપત્તિ જપ્ત કરવાનો પણ આદેશ આપ્યો છે. જમાત ઉદ દાવાના મુખ્ય બે કેસમાં આ સજા સંભળાવી છે. જો કે, આ સજા મુંબઈ હુમલાને લઈને નથી.
Pakistan anti-terrorism court sentences Lashkar-e-Taiba chief Hafiz Saeed to 31 years in jail: Pakistan media
સ્થાનિક મીડિયાના જણાવ્યા અનુસાર ટેરરિઝ્મ ડિપાર્ટમેન્ટે જૂલાઈ 2019માં હાફિઝ સઈદની ધરપકડ કરી હતી. અમેરિકાએ આતંકી હાફિઝ સઈદ પર એક કરોડ ડોલરનું ઈનામ પણ રાખ્યું છે. યુનાઈટેડ નેશંસે પણ હાફિઝ સઈદને આતંકી ઘોષિત કર્યો છે. મુંબઈ હુમલા પાછળ તેનો જ હાથ હતો, જેમાં 166 લોકોના મોત થઈ ગયા હતા.