ન્યુઝ એજન્સી PTIના અહેવાલ પ્રમાણે પાકિસ્તાનની અદાલતે હાફિઝ સઈદને 2 આતંકી ગુનાઓ માટે 10 વર્ષની જેલની સજા ફટકારી છે.
નોંધનીય છે કે આ પહેલા પણ જમાત-ઉદ-દાવાના ચીફ હાફિઝ સઈદ અને તેના સાગરીતોને પાકિસ્તાની અદાલતે ફેબ્રુઆરીમાં આતંકવાદને ફંડિંગ આપવાના કેસમાં 11 વર્ષની સજા ફટકારવામાં આવી હતી. જમાત-ઉદ-દાવા એ લશ્કર-એ-તોઇબાનું ફ્રન્ટ ઓર્ગેનાઇઝેશન છે.
2008માં મુંબઈ હુમલામાં તે મોસ્ટ વોન્ટેડ આતંકી ગણાય છે. આ હુમલામાં 10 આતંકીઓએ 166 નાગરિકોની જાન લીધી હતી અને સેંકડો લોકોને ઈજાગ્રસ્ત કર્યા હતા. હાફિઝને અમેરિકા અને UNએ આંતરરાષ્ટ્રીય આતંકી તરીકે જાહેર કર્યો છે અને તેને પકડનારને 1 કરોડ રૂપિયાનું ઇનામ આપવાનું જાહેર કર્યું છે.