વીનેશની ધમાકેદાર વાપસી પર નેશનલ કોચ જિતેન્દ્ર યાદવે કહ્યું હતું કે 'તેને જરૂરિયાત મુજબ ટ્રેનિંગ નહતી મળી રહી'
ત્રીજી વખત ગોલ્ડ મેડલ જીતવાવાળી પહેલી ભારતીય પહેલવાન બની
વીનેશ માટે છેલ્લા 12 મહિના ઘણા તણાવ ભર્યા રહ્યા
એમને સસ્પેન્ડ પણ કરી દેવામાં આવી હતી
કોમનવેલ્થ ગેમ્સમાં ભારતીય ખેલાડીઓ દમદાર પ્રદર્શન દાખવી રહ્યાં છે. આ વખતની રમતમાં ભારતીય ખેલાડીઓના છપ્પરફાડ પ્રદર્શનને કારણે દેશને અત્યાર સુધી 30થી વધુ મેડલ મળી ચૂક્યા છે. એવામાં કુસ્તીની સ્ટાર વીનેશ ફોગાટે શનિવારે ગોલ્ડ જીતીને દેશને ગર્વ અપાવ્યો હતો. મહિલાઓની 53 કિલોને ફ્રીસ્ટાઈલ ફાઈનલમાં એમને ચમોદ્ય કેશાનીને 4-0 થી માત આપી હતી. આ રીતે કોમનવેલ્થ ગેમ્સમાં લગાતાર ત્રીજી વખત ગોલ્ડ મેડલ જીતવાવાળી પહેલી ભારતીય પહેલવાન બની ગઈ છે. એમને 2014માં ગ્લાસ્ગો ખેલમાં પહેલું ગોલ્ડ મેડલ જીત્યું હતું. એ પછી વર્ષ 2018માં બીજું અને હવે ત્રીજું ગોલ્ડ મેડલ જીતની હેટ્રીક લગાવી દીધી છે.
Today’s Gold medal won by @Phogat_Vinesh is very special. She is one of India’s most distinguished athletes and this is her third consecutive Gold in CWG. She personifies excellence and remarkable commitment to sports. Congratulations to her. #Cheer4Indiapic.twitter.com/AtxLJ1m8RK
સહેલો નહતો સફર
ટોક્યો ઓલમ્પિક્સમાં ખરાબ પ્રદશન કરનાર પહેલવાન વિનશ ફોગાટે કોમનવેલ્થ ગેમ્સમાં તેનો દબદબો કાયમ રાખતા ગોલ્ડ જીતીને શાનદાર વાપસી કરી છે. વીનેશ માટે છેલ્લા 12 મહિના ઘણા તણાવ ભર્યા રહ્યા હતા પણ પરિવારનો સાથ મળવા પર અને તેની પ્રેક્ટિસમાં બદલવા કરવાને કારણે એમનું કરિયર કરી સારા ટ્રેક પર ચઢી ગયું છે. ટોક્યો ઓલમ્પિક્સમાં ટોચની ક્રમાંકિત ખેલાડી તરીકે પંહોચેલી વિનેશ પહેલા જ રાઉન્ડમાં હારીને બહાર થઈ ગઈ હતી. એ પછી ઇજા અને કુસ્તી મહાસંઘ સાથે થયેલ અણબનાવને તેને માનસિકરૂપે ઘણી નીચે ધકેલી દીધી હતી. એમને સસ્પેન્ડ પણ કરી દેવામાં આવી હતી.
ફરી કરી ધમાકેદાર વાપસી
27 વર્ષની વીનેશને ગયા વર્ષે કોણીની સર્જરી કરાવી પડી હતી અને એ પછી પ્રેક્ટિસની રીત બદલવી પડી હતી. એમને અંડર-15 વર્ગના છોકરાઓ સાથે પ્પ્રેક્ટિસ શરૂ કરી હતી. એમને શનિવારે 53 કિલો કેટેગરીમાં ગોલ્ડ મેડલ જીત્યા પછી કહ્યું હતું કે, ' મારી પ્રેક્ટિસ હાલ સાચી ચાલી રહી છે અને હવે માનસિક રૂપે પણ હું સારું મહેસુસ કરું છું. મેં અહિયાં સુધી પંહોચવા માટે કેટલી મહેનત કરી છે એ બસ હું જ જાણું છું. છેલ્લા 12 મહિનામાં જે કર્યું એ બધુ બરાબર હતું, મેડલ જોઈને મને હવે એવું લાગી રહ્યું છે.'
ટ્રેનિંગ નહતી મળી રહી
વીનેશને કોમનવેલ્થ ગેમ્સની ટીમમાં જગ્યા બનાવવા માટે ઘણા ટ્રાયલ જીતવા પડ્યા હતા અને ઘણી સમસ્યા અને ચુનૌતીનો સામનો કરવો પડ્યો હતો. વીનેશની ધમાકેદાર વાપસી પર નેશનલ કોચ જિતેન્દ્ર યાદવે કહ્યું હતું કે 'તેને જરૂર મુજબ ટ્રેનિંગ નહતી મળી રહી અને અંતે તેની ટ્રેનિંગ અને પ્રેક્ટિસમાં બદલવા આવ્યો તેથી આજે તે ફરી દેશનું ગૌરવ વધારી રહી છે. '