એક નવું કૌભાંડ સામે આવ્યું છે, જેમાં હેકર્સ ઇન્ટરનેટ વપરાશકર્તાઓને ધમકી આપી રહ્યા છે અને બ્લેકમેલ કરી રહ્યા છે. હેકરો ધમકી આપે છે કે પોર્ન જોતી વખતે તેઓ જોનારનું રેકોર્ડિંગ કરે છે અને જો તેઓ પૈસા ન ભરે તો તેમની પોર્ન જોતી વીડિઓ શેર કરવામાં આવશે.
આવા મેઇલ મોકલીને લાખો ઇન્ટરનેટ વપરાશકારોને બ્લેકમેલ કરવામાં આવી રહ્યા છે. પોર્નને લગતા આવા કૌભાંડનો ઉપયોગ હેકરો દ્વારા ભૂતકાળમાં પણ કરવામાં આવતો હતો અને યુઝર્સને ડર લાગતો હતો. જો કે સિક્યોરિટી સિસ્ટમ દ્વારા હવે તેને બ્લોક કરી દેવામાં આવે છે, પરંતુ દર વખતે હેકરો સુરક્ષા સિસ્ટમને છેતરવાની નવી રીત શોધે છે. હેકર્સ સાયબર ક્રિમિનલ બ્લોકીંગ સિસ્ટમથી બચવા માટે ઈમેલ અંગ્રેજી સિવાયની કોઈ અલગ ભાષામાં કરે છે અને તેને સમજવા માટે ગૂગલ ટ્રાન્સલેટનો ઉપયોગ કરવો પડે છે.
વીડિઓ શેર ન કરવા બદલ રકમ માંગે છે
આ પ્રકારના સાયબર ક્રાઇમ પોર્ન જોતા યુઝર્સને એક ઇમેઇલ કરવામાં આવે છે જેમાં લખવામાં આવે છે કે તેમની પોર્ન જોતી પર્સનલ ફૂટેજ રેકોર્ડ કરવામાં આવી છે. જો તેઓ માંગેલી રકમ નહિ આપે તો આ ક્લિપ તેના પરિવારજનો સાથે શેર કરી દેવામાં આવશે. હાલમાં Bleeping Computerને આ જ પ્રકારનો મેસેજ આવ્યો છે જેમાં પોર્નને લગતી ધમકી આપવામાં આવી છે.
લિંક ઉપર ક્લિક કરવાથી રેન્સમ વેરનો ખતરો
આ કૌભાંડમાં યુઝરને સાબિતી આપવા કે તેણે ખરેખર યુઝરની પોર્ન જોતી ક્લિપ મેળવી લીધી છે તેના માટે તેને એક પાવર પોઇન્ટ પ્રેઝન્ટેશન બતાવવામાં આવે છે જેથી યુઝરમાં ખરેખર ડર પેસે. આ પ્રકારના બ્લેકમેલથી ડરીને યુઝર્સને આવી કોઈ લિંક ઉપર ક્લિક ન કરવાની સલાહ અપાઈ છે. આ પ્રકારની લિંક ઉપર ક્લિક કરવાથી ડિવાઇસમાં રેન્સમવેર દાખલ થઈ જવાનો ખતરો રહેલો છે.