ભારતમાં લોકો હાલમાં ઇન્ટરનેટનો સૌથી વધુ ઉપયોગ કરે છે, કેમ કે મોબાઇલ ડેટાના ભાવ બહુ ઓછા છે. એક સમય એવો હતો કે લોકો મોબાઇલ ડેટા જોઇ જોઇને વાપરતા હતા. આજે રોજના એક-દોઢ જીબી 4જી ડેટા મળતો હોઇ લોકો ડેટાની પરવા કરતા નથી.
દેશમાં ઓનલાઇન છેતરપિંડીના કેસો પણ ઝડપથી વધ્યા
લાખો લોકોએ ડાઉનલોડ કરેલી હજારો એપ ડ્રેઇનર બોટ દ્વારા પ્રભાવિત થઈ
એન્ડ્રોઇડ યુઝર્સની અંગત માહિતી ગયા મહિને લીક થઈ
સાથે જ દેશમાં ઓનલાઇન છેતરપિંડીના કેસો પણ ઝડપથી વધી રહ્યા છે. હમણા એક ઓનલાઇન છેતરપિંડીની બાબત સામે આવી છે જેમાં અનેક યુઝર્સનો 10 જીબી જેટલો ડેટા ચોરાયો છે. પરંતુ મોટાભાગના લોકોને તેની જાણ સુધ્ધાં થતી નથી. હવે આવી સ્થિતિમાં જાણવું મહત્વપૂર્ણ બને છે કે તમે પણ આવી છેતરપિંડીનો ભોગ તો નથી બન્યા ને?
સૂત્રોના જણાવ્યા અનુસાર, ઘણાં એન્ડ્રોઇડ યુઝર્સની અંગત માહિતી ગયા મહિને લીક થઈ હતી, સાથે સાથે તેમના ફોનની બેટરી પણ ઝડપથી ઉતરી ગઇ હતી. ઓરેકલ દ્વારા જારી રિપોર્ટ અનુસાર તેના કારણે લાખો એન્ડ્રોઇડ ગ્રાહકોનો મોબાઇલ ડેટા નાશ પામ્યો હતો. આ ફ્રોડને ડ્રેનર બોટ નામ આપવામાં આવ્યું છે.
નિષ્ણાતોના મતે લાખો લોકોએ ડાઉનલોડ કરેલી હજારો એપ ડ્રેઇનર બોટ દ્વારા પ્રભાવિત થઈ છે. જેમાં કેટલીક લોકપ્રિય એપ્સ પણ છે. આ વાયરસના કોડની જાણકારી પણ નિષ્ણાતો દ્વારા આપવામાં આવી છે. આ કોડને લીધે ગૂગલ પ્લે સ્ટોરની લાખો એપ્સને અસર થઈ, જેને હવે બ્લેકલિસ્ટ કરવામાં આવી છે.
બીજી તરફ ઓરેકલના નિષ્ણાતો માને છે કે ગૂગલ પ્લે સ્ટોર પર આ કોડ સાથે હજુ પણ અનેક એપ છે. સવાલ એ છે કે યુઝર તેને કેવી રીતે ઓળખી શકે? તેનો આસાન રસ્તો એ છે કે જો કોઇ એપ ડુનલોડ કર્યા પછી બેટરી વધુ ઉતરવા લાગે કે પછી ડેટા વધુ વપરાય તો આવી એપને તરત જ ડિલીટ કરવી જોઇએ. મોબાઇલમાં બેટરી કન્ઝમ્પશન અને ડેટા યુસેજ ફિચરને ચેક કરતા કઇ એપે કેટલી બેટરી અને કેટલો ડેટા વાપર્યો તે જાણી શકાય છે.