તમાકુ-સિગારેટ કરતા મોબાઇલ વધુ ખતરનાક યુવા પેઢીને ગેમ અને પોર્નસાઇટની લાગી છે લત

મોબાઈલ ફોન તમાકુ માવા કે  સિગારેટ કરતા વધુ વ્યસની બનાવી દે છે આવી વાત કોઈ યુવક કે યુવતીને કહીએ તો તે ચોક્કસ પણ સામેની વ્યક્તિને પાગલ સમજે છે. આ વાતને ધૂતકારી મૂકે પણ હકીકતએ જ છે કે મોબાઈલનું જરૂરિયાત કરતા વધુ વળગણ એક રોગ બની રહ્યો છે. મોબાઈલ ફોન હવે જરૂરિયાત કરતા વળગણ સ્વરૂપે સમાજના યુવાધનને મયકાંગલું બનાવી રહ્યો છે કોઈપણ વાત કે વિગત અથવા તો જાણકારી યુવાનો ગૂગલમાં સર્ચ કરવાના આદી બની ગયા છે. 

આ ટેવ એવી ખતરનાક અસરો ઉપજાવી રહી છે કે 20 વર્ષ પછી મોબાઈલના કારણે અને મોબાઈલના વધુ પડતા ઉપયોગના કારણે દરેક ઘરમાં એક ગાંડો માણસ હશે તેવું તજજ્ઞો માની રહ્યા છે. આ અનુમાન કદાચ વધુ પડતું લાગતું હશે પરંતુ આ પહેલા પણ અનેક લોકો આ નિવેદન કરી ગયા છે. આ વખતે આ નિવેદન હીરા ઉદ્યોગના મોટાંગજાના ઉદ્યોગપતિ સવજી ધોળકીયાએ કર્યું છે. હાલમાં જે સમસ્યાઓ આવી રહી છે તેના પરથી તેમને આ વાસ્તવિકતા પોતાની નજરે જોઈ છે.

મોબાઇલની સૌથી મોટી અસર આજની યુવા પેઢી પર જોવા મળી રહી છે. 5 ઇંચમાં આખી દુનિયા યુવાનોની હથેળીમાં સમાયેલી હોય છે અને યુવાનોએ સારા-નરસાની સમજ આવે તે પહેલાં તેઓ તેનો શિકાર બની રહ્યા છે. ખાસ કરીને સેક્સયુઅલ ક્લીપ અને ઓનલાઇન રમાતી ગેમ યુવાનોને ડ્રગ્સ કરતા વધુ ખતરનાક રીતે પોતાના શિકંજામાં લઈ રહી છે. જાણીતા સાઈકિયાટ્રિસ્ટ ડો.મુકુલ ચોક્સીએ નિવેદન આપ્યું હતું.



તેમને કહ્યું કે આ માત્ર શરૂઆત છે આગામી સમયમાં મોબાઈલ એક માનસિક અને સામાજિક સમસ્યા બની રહેશે. યુવાનોને તેના વળગણથી મુક્ત કરાવવા માટે કંઈક વિચારવું પડશે. આમ જ ચાલશે તો આગામી સમયમાં યુવા પેઢીઓ પોતાની સાથે દેશનું પણ નુકસાન કરેશ તેવો ભય તેમને લાગી રહ્યો છે.

ઉલ્લેખનિય છે કે તીનપત્તી પબજી અને અનેક પોર્નસાઈટોનું વળગણ લોકોમાં જોવા મળતું હતું. ત્યારે સરકારના નામે અનેકવાર આ મામલે નિવેદનો આવે છે. છાપામાં જાહેરાતો પણ આવે છે. હાઈકોર્ટ આ મામલે પ્રતિબંધ પણ લગાવે છે પરંતુ તેનું કોઈ અમલીકરણ થતું નથી. આ તમામ ગેમ વિદેશી કંપનીઓની છે અને જે દેશમાં ગેમ બની છે ત્યા આ ગેમ પ્રતિબંધીત છે. ત્યારે હવે આપણા યુવાનો માટે આ ખરેખર આગામી સમયમાં પડકાર સમાજ સાબિત થશે.