મહામારીના એંધાણ / ધાવણા બાળકોને એડિનોવાયરસનો સૌથી મોટો ખતરો, બે-બે વાયરસ લાવશે બીમારી, નિષ્ણાંતોની ચેતવણી

• દેશમાં H3N2 વાયરસનો ખતરો વધ્યો
• એકમાત્ર માસ્ક જ H3N2ને ફેલાતો રોકી શકશે
• માસ્ક પહેરવાની નિષ્ણાંતોની ચેતવણી
• છેલ્લા 6 મહિનામાં વાયરસનું રુપ બદલાયું 

દેશમાં હાલમાં H3N2 અને એડિનોવાયરસ એક્ટિવ છે જેને કારણે કેસમાં વધારો થઈ રહ્યો છે. લોકો આજકાલ તીવ્ર તાવ, શરદી અને ગળામાં દુખાવાની ફરિયાદ કરી રહ્યા છે. સર ગંગારામ હોસ્પિટલના ડોક્ટર ધીરેન ગુપ્તાએ કહ્યું, "છેલ્લા 6 મહિનામાં વાયરસની પેટર્નમાં જબરદસ્ત ફેરફાર થયો છે. સામાન્ય રીતે, આપણે ઈન્ફલ્યુએન્ઝાને નંબર 1 વાયરસ તરીકે જોઈએ છીએ જે આ રોગનું કારણ બની શકે છે.

કોરોના જેમ ફેલાય છે એડિનોવાયરસ 
એડેનોવાયરસની ગંભીરતા તરફ ઇશારો કરતાં તેમણે કહ્યું હતું કે અન્ય એક વાયરસ જે ગંભીર રોગ તરફ દોરી રહ્યો છે. "છેલ્લા બે મહિનામાં આઈસીયુમાં દર્દીઓની સંખ્યામાં વધારો થવાને કારણે એડેનોવાયરસના કેસોમાં વધારો થયો છે. એડેનોવાયરસ વિશે વધુ જણાવતાં ડો.ગુપ્તાએ જણાવ્યું હતું કે ડીએનએ વાયરસ મુખ્યત્વે ઉપલા શ્વસનતંત્ર અને આંખોને અસર કરે છે અને કોવિડની જેમ ફેલાય છે.

ધાવણા માંડીને 2 વર્ષના બાળકને અસર પહોંચાડે છે એડિનો 
બાળકોમાં એડેનોવાયરસ સામાન્ય રીતે શ્વસન અને આંતરડાના માર્ગના ચેપનું કારણ બને છે. ડોક્ટરોએ જણાવ્યું કે, 0-2 વર્ષની વય જૂથના બાળકોમાં સંક્રમણનું સૌથી વધુ જોખમ રહે છે અને 2-5 વર્ષની વય જૂથના બાળકોમાં સંક્રમણનું જોખમ વધારે હોય છે. 5-10 વર્ષની વયના બાળકોને તે (ચેપ) થવાની સંભાવના છે. ડોક્ટરોએ જણાવ્યું કે 10 વર્ષથી વધુ ઉંમરના બાળકોમાં આ વાયરસનો ચેપ લાગવાનું જોખમ ઓછું હોય છે. 
    
દેશમાં હાલમાં કયા બે વાયરસ એક્ટિવ
નિષ્ણાંતોના જણાવ્યાનુસાર દેશમાં હાલમાં H3N2 અને એડિનોવાયરસ એક્ટિવ છે જે બન્ને વાયરસથી પીડિત દર્દીઓની સંખ્યા વધી રહી છે. 

સફદરજંગ હોસ્પિટલમાં માસ્ક ફરજિયાત 
દિલ્હીની સફદરજંગ હોસ્પિટલના મેડિકલ સુપરિન્ટેન્ડેન્ટ ડો.બી.એલ.શેરવાલે જણાવ્યું હતું કે ઈન્ફલ્યુએન્ઝામાં નોંધપાત્ર વધારો થયો છે. તે કોવિડ જેવો વાયરસ છે.  આવી સ્થિતિમાં, લોકોએ સાવધ રહેવાની જરૂર છે. આ બાબતને ધ્યાનમાં રાખીને, અમે સફદરજંગ હોસ્પિટલના તબીબી કર્મચારીઓ માટે માસ્ક પહેરવાનું ફરજિયાત બનાવ્યું છે. ઇન્ડિયન મેડિકલ એસોસિએશનના સભ્ય ડો.અનિલ ગોયલે જણાવ્યું હતું કે તાવ અને ઉધરસના કેસ, જે એક અઠવાડિયાથી વધુ સમય સુધી ચાલ્યા હતા, તે સતત વધી રહ્યા છે. 

બચવા માસ્ક પહેરવું જરૂરી 
ડો.બી.એલ.શેરવાલે જણાવ્યું હતું કે, હાલના સમયમાં હવામાનના પરિવર્તન સાથે આ રોગ ખૂબ જ ઝડપથી ફેલાય છે. આનો સૌથી સારો ઉપાય માસ્ક પહેરવાનો છે. કોવિડ બાદથી લોકો પહેલાની જેમ હેન્ડવોશિંગ કરતા નથી. આવી સ્થિતિમાં, હાથ ધોવાનું મહત્વપૂર્ણ છે. આ સાથે તેમણે કહ્યું કે ફ્લૂની રસી પણ ખૂબ અસરકારક છે.

એન્ટિબાયોટિક્સનો ઉપયોગ કરવાનું ટાળો
કેન્દ્રીય આરોગ્ય મંત્રાલય દ્વારા એક પરિપત્ર પણ બહાર પાડવામાં આવ્યો છે અને કહેવામાં આવ્યું છે કે હાલના સમયમાં ગરમીને ધ્યાનમાં રાખીને મોસમી તાવથી બચવું જરૂરી છે. આ દરમિયાન આઈએમએએ ડૉક્ટરની સલાહ વગર એન્ટીબાયોટિકનું સેવન ન કરવાની ચેતવણી પણ જાહેર કરી છે. એવું પણ કહેવામાં આવ્યું છે કે શરદી, ખાંસી અને તાવને કારણે લોકોએ જાતે જ એન્ટિબાયોટિક્સનું સેવન કરવાનું ટાળવું જોઈએ.