ટ્રમ્પ સરકારે એચ-1બી વિઝા પર અમેરિકા આવેલા પ્રોફેશનલ્સના જીવનસાથીને નોકરી નહીં કરવાનો જે પ્રસ્તાવ મૂકયો હતો તે આવતા વર્ષ સુધી લાગુ નહીં કરવાનો નિર્ણય લેવાયો છે.
જીવનસાથીઓનાં નોકરી કરવા પર પ્રતિબંધ લગાવવાનો પ્રસ્તાવ આગામી વર્ષ સુધી ટળ્યો
ટ્રમ્પે 2017માં જીવનસાથીઓને માટે વર્ક વીઝા પ્રોગ્રામને સસ્પેન્ડ કર્યો હતો
આવતા વર્ષે યોજનારી રાષ્ટ્રપતિની ચૂંટણી પહેલાં અમેરિકી સરકાર દ્વારા લેવામાં આ પગલું હજારો ભારતીય પ્રોફેશનલ્સ અને તેમને નોકરી આપનારી કંપનીઓને થોડા સમય માટે મોડી રાહત મળશે.
યુએસ ડિપાર્ટમેન્ટ ઓફ જસ્ટિસ (United States Department of Justice) એ સોમવારે અમેરિકાની એક અદાલતમાં જણાવ્યું હતું કે તેમણે એચ-4 એમ્પ્લોઇમેન્ટ ઓર્થોરાઇઝેશન ડોકયુમેન્ટ (ઇએડી)ને પરત લેવાનો કાયદો બનાવવા માટે ર૦ર૦ના માર્ચથી જૂન સુધીની સમય સીમા નક્કી કરી છે. ટ્રમ્પ પહેલાં અમેરિકાની કમાન સંભાળી રહેલા બરાક ઓબામાની સરકારે ર૦૧પમાં એક નિયમ બનાવ્યો હતો. જેમાં એચ-૧બી વિઝા હોલ્ડરના યોગ્ય જીવનસાથીઓને અહીં નોકરી કરવાની પરવાનગી અપાઇ હતી.
US ડિપાર્ટમેન્ટ ઓફ જસ્ટિસે ડિસ્ટ્રીકટ ઓફ કોલંબિયા સર્કિટને કહ્યું હતું કે,
'એચ-૪ ઇએડીને પરત ખેંચવાના પ્રસ્તાવિત નિયમને લાગુ કરવાની દિશામાં કામ કરવાથી ડીએચએસનો હેતુ બદલાયો નથી. હાલમાં તે ઇન્ટર એજન્સી પ્રોસેસમાંથી પસાર થઇ રહ્યો છે. અદાલત આઇટી વર્કર્સને એ સમૂહ તરફથી ડીઓજે વિરુદ્ધ કેસ દાખલ કરવાની સુનાવણી કરી રહી હતી. તેનો આક્ષેપ છે કે પાવર યુટિલિટી કંપની દિક્ષણ કેલિફોર્નિયા એડિસને તેને હટાવીને તેને બદલે શોર્ટ ટર્મ એચ-૧૧બી વિઝા પર અમેરિકા આવેલા એન્જિનિયર્સને રાખી લીધા હતાં.'
શું છે H-1B વીઝા?
એચ-1 બી વિઝા (H-1B visa) એક ગૈર-પ્રવાસી વિઝા છે. તે કોઇ કર્મચારીને અમેરિકામાં છ વર્ષ કામ કરવા માટે આપવામાં આવે છે. અમેરિકામાં કાર્યરત કંપનીઓને આ વીઝા એવાં કુશળ કર્મચારીઓને રાખવા માટે આપવામાં આવે છે કે જેમની અમેરિકામાં ખાસ જરૂરિયાત હોય. આ વીઝા માટે કેટલીક શરતો પણ છે. જેવી કે આને મેળવનાર વ્યક્તિનાં સ્નાતક હોવાની સાથે સાથે તેની કોઇ એક ક્ષેત્રમાં વિશેષ યોગ્યતા હાંસલ હોવી જોઇએ. આ સાથે સાથે આને મેળવનાર કર્મચારીની સેલરી ઓછામાં ઓછી 60 હજાર ડૉલર એટલે કે અંદાજે 40 લાખ રૂપિયા વાર્ષિક હોવી જોઇએ.
આ વીઝાની એક ખાસિયત એ પણ છે કે આ અન્ય દેશોનાં લોકોને માટે અમેરિકામાં વસવાનો રસ્તો પણ સરળ કરી દે છે. એચ-1બી વીઝાધારક પાંચ વર્ષ બાદ સ્થાયી નાગરિકતા માટે અરજી કરી શકે છે. આ વીઝાની માંગ એટલી વધારે છે કે આને તમામ વર્ષે લૉટરીને આધારે રજૂ કરવામાં આવે છે. એચ-1બી વીઝાનો સૌથી વધારે ઉપયોગ ટીસીએસ, વિપ્રો, ઇન્ફોસિસ અને ટેક મહિન્દ્રા જેવી 50થી વધારે ભારતીય આઇટી કંપનીઓ સિવાય માઇક્રોસૉફ્ટ અને ગૂગલ જેવી મોટી અમેરિકી કંપનીઓ પણ કરે છે. મીડિયા રિપોર્ટ્સ અનુસાર, વૈશ્વિક સ્તરે એચ-1બી વીઝા રાખનારાઓમાં ભારતીયોની સંખ્યા સૌથી વધારે છે.